Адыгэ Республикэм культурэмкIэ и Министерствэрэ АР-м культурэмкIэ илъэпкъ Гупчэрэ зэгъусэхэу кIэлэ­цIыкIу театрэ коллективхэм яя IV-рэ шъолъыр фестиваль зэдагъэхьазыры. Ар мэлылъфэгъум и 22-м къуаджэу Гъобэкъуае дэт культурэм и Унэу Т. М. Къатым ыцIэ зыхьырэм щыкIощт.

Мы фестивалыр анахьэу зытегъэпсыхьагъэр театрэ культурэмкIэ сэнаущыгъэ зыхэлъ кIэлэцIыкIухэр къыхэгъэщыгъэнхэр, художественнэ литературэр, драматургиер, музыкэр, хореографиер зэрагурыIорэр гъэунэфыгъэныр ары. Анахь мэхьанэ зиIэ лъэныкъохэм ащыщых театрэ купхэр къыхэгъэщыгъэнхэр, сабыйхэм ягушъхьэ баиныгъэ, япатриотическэ ыкIи эстетическэ зэхашIэхэм ахэгъэхъогъэныр, кIэлэцIыкIухэм зэ­дэгущыIэнхэ ыкIи зэкIырыплъынхэ амал яты­гъэныр, Iофтхьабзэм общественностыр къы­хэгъэлэжьэгъэныр ыкIи кIэлэцIыкIу театрэхэм творческэу зя­гъэушъомбгъугъэныр.

Фестивалыр очнэ-заочнэ шIыкIэм тетэу ­кIощт. МэфэкIым хэлажьэхэрэм ыкIи щате­кIохэрэм явидеороликхэм ащыщхэр кIэухым ­лъэпкъ культурэм и Гупчэ ицифрэ ресурсхэм ­къащагъэлъэгъощтых.

Зэнэкъокъум драматическэ, нысхъэпэ спек­таклэхэр, литературнэ-музыкэ композициехэр ыкIи нэмыкIхэр къащагъэлъэгъощтых.

ОсэшI купым хэт АР-м щызэлъашIэрэ актерхэр ыкIи режиссерхэрТекIоныгъэр къыдэзыхыхэрэм ыкIи хэлэжьа­гъэхэм дипломхэр, буклетхэр аратыщтых.