Мы спорт лъэпкъымкIэ Мыекъуапэ изэIухыгъэ чемпионат къыдыхэлъытэгъэ зичэзыу ешIэгъухэр хъулъфыгъэ ыкIи бзылъфыгъэ командэхэм яIагъэх.

Хъулъфыгъэхэр пштэмэ, зэIукIэгъоу яIагъэр зэкIэ къахьыгъэх командэхэу «АГУ-Мары», «СШОР-1» (2007), «Айсберг» ыкIи «Фыщт». Зэнэкъокъум зэкIэмкIи командэ 12 хэлажьэ.

Бзылъфыгъэхэм язэнэкъокъуи гъэшIэгъонэу макIо. Непэрэ ма­фэм ехъулIэу яешIакIэкIэ къа­хэщых АКъУ-м ыкIи Мыекъопэ къэралыгъо технологическэ университетым якомандэхэр, джащ фэдэу «Адыгеир». Мыхэм волейболисткэ лъэшхэр ащыу­гъоигъэх.

ЯтIонэрэ лигэмкIэ яешIэгъухэр зэкIэ къахьыгъэх Мыекъопэ районыр къэзыгъэлъэгъорэ «Олимпым» ыкIи Мыекъопэ къэралыгъо технологическэ университетым иполитехническэ колледж истуденткэхэм.