БаскетболымкIэ Урысые чемпионатэу «Локобаскет — Школьная лига» зыфиIорэм ишъолъыр едзыгъо Мыекъуапэ икIэлэеджакIохэм яхэшыпыкIыгъэ командэ хэлэжьагъ ыкIи текIоныгъэр къыщыдихыгъ. Зэнэкъокъум Къыблэ федеральнэ шъолъырым исубъектхэм якомандэхэм зыщаушэтыгъ. ЗэхэщакIохэм зэрагъэнэфагъэу командэ щырыщ хъухэу ахэр купи 3-у агощыгъэх.

Апэрэ уцугъом Адыгеир Севастополь ыкIи Краснодар краим якомандэхэм аIукIагъ. ТIуми атекIуагъ — 102:20 ыкIи 54:44.

Финал едзыгъом къыдыхэ- лъытагъэу Мыекъуапэ къэзы- гъэлъэгъогъэ тикIалэхэр Респуб- ликэу Къырым ыкIи Ростов хэкум ялIыкIохэм аIукIагъэх. А командитIуми къашIуахьыгъ — 73:32 ыкIи 73:51. Ащ ишIуагъэ- кIэ Адыгеим икомандэ апэрэ чIыпIэр къыдихыгъ.

Тикомандэ икапитанэу Кирилл Дербеневыр ешIэкIо анахь дэгъоу зэхэщакIохэм къыхахыгъ. Джы Мыекъуапэ икIэлэеджакIохэр Суперфиналым щешIэщтых. Ар мэлылъфэгъум и 29-м щегъэжьагъэу жъоныгъуакIэм и 6-м нэс къалэу Челябинскэ щыкIощт.