Зымылъэгъухэрэм яспорт лъэп­къэу голбо­лым­кIэ Урысыем ипервенствэ Адыгеим ихэшы­пыкIыгъэ командэ хэлэжьагъ ыкIи текIоныгъэр къыщыдихыгъ. Зыныбжь имыкъугъэхэр ары зэнэкъокъум зыщызыушэты­гъэхэр. Iофтхьабзэр ­Московскэ хэкум ит къалэу Раменскэ щыкIуагъ. Урысыем ишъолъыри 10-мэ яхэшыпыкIыгъэ командэхэр зэнэкъокъум щызэIукIагъэх. Адыгеир къагъэлъэгъуагъ Владислав Колесник, Юрий Курочкиным, Михаил Дрыгиным ыкIи Данил Семчуковым. Ти­кIалэхэм ешIэкIэ дахэ къагъэ­лъэгъуагъ, зэIукIэгъоу яIагъэ­хэр зэкIэ къахьыгъ. Финалым Москва икомандэ IукIагъэх, пчъагъэр 15:13-у ешIэгъур аухыгъ, Адыгеим илIыкIохэм апэрэ чIыпIэр къыда­хыгъ. Ящэнэрэ хъугъэ Московскэ хэкум икомандэ. УхъумэкIо анахь дэгъоу зэхэщакIохэм къы­хахыгъэр Адыгэ Республикэм икIыгъэ Юрий Курочкиныр ары. Типшъашъэхэм мыщ фэдэ гъэхъагъэ ашIы­ныр афызэшIокIыгъэп, ау ахэми я 5-рэ чIыпIэр къыдахыгъ. Командэхэр зэнэкъо­къум фэзыгъэ­хьазырыгъэхэр тренерэу Елена Ми­наевар ары.