Кушъхьэфэчъэ спортымкIэ Урысые зэнэкъокъухэр Адыгеим щыкIуагъэх. Илъэс 17 – 18 зыныбжь пшъэшъэ ныбжьыкIэхэм ыкIи зыныбжь икъугъэ бзылъфыгъэхэм заушэтыгъ.

Апэрэ купым текIоныгъэр къыщыдихыгъ Москва щыщ Татьяна Мальковам, ятIонэрэ хъугъэ Санкт-Петербург къикIыгъэ Диана Смирновар, ящэнэрэ чIыпIэм щыт Людмила Мучкаевар (Санкт-Петербург).

ЯтIонэрэ купым щатекIуагъ Беларусым илIыкIоу Анна Терех, мы къэралыгъом щыщ Ирина Чуянковам ятIонэрэ чIыпIэр фагъэшъошагъ, ящэнэрэ хъугъэ Адыгеим испортсменкэу Елизавета Арчибасовар.

ТекIоныгъэр ыкIи хагъэунэфыкIырэ чIыпIэхэр къыдэзыхыгъэхэм зэхэщакIохэр афэгушIуагъэх.