ЗэлъашIэрэ урыс композиторэу, пианист-виртуозэу ыкIи дирижерэу С. В. Рахма­нино­выр къызыхъугъэм ия 150-рэ илъэс мыгъэ хэтэгъэунэфыкIы.

Ащ фэгъэхьыгъэ гала-концерт Адыгэ Республикэм и Къэралыгъо филармоние мэлылъфэгъум и 1-м сыхьатыр 4-м щыкIощт.

Ащ хэлажьэх АР-м и Къэралыгъо филармоние исимфо­ническэ оркестрэ (дирижер шъхьаIэр — АР-м инароднэ артистэу Аркадий Хуснияровыр, оркестрэм ихудожественнэ пащэр — УФ-м ыкIи КъБР-м язаслуженнэ артистэу Темыркъэнэ Петр), мыщ иартистхэу, АР-м инароднэ артисткэу ­Ольга Мамикьян (скрипкэр), Оксана Шигинар (виолончель), Наталья Горностаявар (фортепианэр), АР-м и Къэралыгъо филармоние и Камернэ музыкальнэ салон иартистхэу, АР-м инароднэ артисткэу Нэгъой Маринэ (сопрано), дунэе зэнэкъокъухэм я Гран-при къызыфагъэшъоша-гъэу Набэкъо Бэла (форте­пианэр), Къэралыгъо филар­монием иорэдыIоу Дарья Умбинар (сопрано), искусствэхэмкIэ Адыгэ республикэ колледжэу У. Хь. Тхьабысымым ыцIэкIэ щытым ихор (пащэр — АР-м культурэмкIэ изаслуженнэ IофышIэу Анна Гребень).

Концерт программэр зэрищэщт лектор-музыковедэу Хьа­къуй Заремэ.