Урысыем спортымкIэ и Министерствэ зызэхащагъэм иилъэси 100 фэгъэ­хьыгъэ зэнэкъокъу Мыекъуапэ щэкIо, ащ щагу командэхэр хэлажьэх.

Республикэм икъэлэ шъхьаIэ дэт гимназиеу N 22-м ифутбольнэ ешIапIэ ешIэгъухэр щэкIох. Мы спорт псэуалъэр 2022-рэ илъэсым къызэIуахыгъ. Спорт­сменхэм аныбжь илъэс 14-м щегъэжьагъэу 19-м нэсы. ЗэкIэмкIи турнирым команди 10 хэлажьэ, ахэр купитIоу гощыгъэх.

Апэрэм хэхьэх командэхэу «Сигма», «RA Star», «Бруклин», ФК-у «Шовген», «ЦКЗ». ЯтIонэрэм къыщыгъэлъэгъуагъэх ФК-у «Завертыш», «Эльбрус», «Кавказ», «Блуд Компани», «Герта».

ЕшIэгъухэр зыгъэпсэфыгъо мафэхэм макIох, текIоныгъэр ыкIи хагъэунэфыкIырэ чIыпIэхэр къыдэзыхыгъэхэр мэлылъфэгъум и 23-м къэнэфэщтых.