Мамый Ерэджыбэ ипьесэ техыгъэ къэгъэлъэгъонэу «Псэлъыхъохэр», актер ныбжьыкIэхэм къашIэу агъэуцугъэр, неущ, гъэтхапэм и 23-м, Тэхъутэмыкъуае, гъэтхапэм и 24-м, Псэйтыку къащагъэлъэгъощт.

КъэгъэлъэгъоныкIэм илъэтегъэуцо шъхьаIэ Мыекъуапэ, АР-м и Лъэпкъ театрэу Цэй Ибрахьимэ ыцIэ зыхьырэм гъэтхапэм и 25-м щыкIощт. Адыгэ драматургием ижъогъо шIэтэу Мамый Ерэджыбэ и «Псэлъыхъохэр» классикэ хъугъэу лIэуж пчъагъэхэм шIу алъэгъу, еплъых. ЗэлъашIэрэ артистхэм ачIыпIэ нахь ныбжьыкIэхэр иуцуагъэхэу къэгъэлъэгъоныкIэр зыгъэуцужьыгъэр УФ-м инароднэ артистэу Кукэнэ Мурат. Рольхэр къэзышIыщтхэр: Ацумыжъ Рустам, Хьакъуй Андзаур, Ахъмэт Артур, Болэкъо Адам, Хъуадэкъо Азэмат, Хьэлащтэ Саниет, Болэкъо Аминэт, Тамрико Осадзе. КъэгъэлъэгъоныкIэхэр зэрэкIуагъэхэм, ащ хэлэжьагъэхэм ыкIи еплъыгъэхэм яшIошI­хэр зыхэтыщт тхыгъэр «Адыгэ макъэм» ишэмбэт къыдэкIыгъо къидгъэхьащт.