Урысые физкультурэ-спорт комплексэу «IофшIэным ыкIи зыкъэухъумэжьыным сафэхьазыр» (ГТО) зыфиIорэм итхьамафэ Мыекъуапэ щыпсэухэрэр чанэу хэлажьэх. Iофтхьабзэр яплIэнэрэу зэхащагъ.

IофшIэгъу мафэхэм — пчэдыжьым, бэрэскэжъыем — пчыхьэм, зыгъэпсэфыгъо мафэхэм — щэджэгъоужым мыщ къыдыхэлъытэгъэ шапхъэхэр цIыфхэм атынхэ алъэкIыщт.

Мы мэфищым республикэм икъэлэ шъхьаIэ щыпсэурэ нэбгырэ 48-мэ зау- шэтыгъ, ахэм азыныкъо нахьыбэм комплексым ибгъэхэлъхьэ шъхьаIэ къафагъэшъошагъ. Дэгъу дэдэу шапхъэ- хэр зытыгъэр нэбгырэ 19.

Iофтхьабзэм хэлажьэхэрэм янахьыбэр гурыт еджапIэхэм ачIэсых, аныбжь илъэси 6-м щегъэжьагъэу 18-м нэс. Мыщ дэжьым зэхэщакIохэм анахьэу анаIэ зытырагъэтырэр кIэлэеджакIохэр ары, сыда пIомэ мыхэм физическэ ухьазырыныгъэу яIэм елъытыгъэу апшъэрэ ыкIи гурыт сэнэхьат зыщарагъэгъотырэ еджапIэхэм ачIэхьанхэмкIэ балл тедзэ- хэр къахьынхэ алъэкIыщт.

БЗЭШIУ Асхьад.