МедалитIу къыхьыгъ
Теннис цIыкIумкIэ Урысые зэнэкъокъухэм ахэлэжьагъ ыкIи медалитIу къащыдихыгъ Тэхъутэмыкъое районым щыщ спортсменкэу Юлия Бабенкэм. ЗипсауныгъэкIэ щыкIагъэ зиIэхэр арых зызыушэтыгъэхэр.
Зэнэкъокъухэр гъэтхапэм и 12-м щегъэжьагъэу и 16-м нэс къалэу Саранскэ испортивнэ комплексэу «Мордовием» щыкIуагъэх, Урысыем ишъолъыр 20-м ехъумэ къарыкIыгъэ спортсмени 115-рэ хэлэжьагъэх.
Поселкэу Яблоновскэм Iоф щызышIэрэ тренерэу Армен Мкртчян ыгъэсэрэ Юлия Бабенкэм дэгъу дэдэу зыкъыгъэлъэгъуагъ ыкIи текIоныгъэр къыдихыгъ. Джащ фэдэу Москва щыщ спортсменкэу Анастасия Матвеевар игъусэу ятIонэрэ чIыпIэр къыдихыгъ.