Къырым Урысыем къызэрэхэ­хьажьы­гъэм фэгъэхьыгъэу кушъхьэ­фэчъэ спор­тымкIэ зэнэкъокъухэр Мыекъуа­пэ щыкIуагъэх.

Илъэс заулэ хъугъэу мы Iоф­тхьабзэр урамэу Кобл Якъубэ ыцIэ зыхьырэм щырагъэкIокIы, лицееу N 34-м дэжь.

Зэнэкъокъухэм нэбгыри 169-рэ ахэлэжьагъ, ахэм илъэси 10 — 17 аныбжь. КIалэхэр пшъа­шъэхэм анахьи бэкIэ нахьыба­гъэх.

Зэфэхьысыжьхэм къызэрагъэлъэгъуагъэмкIэ, Мыекъуапэ къэзыгъэлъэгъогъэ Роман Воробьевымрэ Феликс Константиновымрэ текIоныгъэр къыдахыгъ. Джащ фэдэу апэрэ чIыпIэр къыдэзы­хыгъэхэм ащыщых Вадим Ла­ричевыр, Лъэустэнджэл Даниил, Евгения Наумовар, Светлана Алексеевар, Анна Радуненкэр, Арина Кисиевар.

ТекIоныгъэр ыкIи хагъэунэфыкIырэ чIыпIэхэр къыдэзыхы­гъэхэм Мыекъуапэ физическэ культурэмкIэ ыкIи спортымкIэ и Комитет итынхэр афагъэшъо­шагъэх.