Мы спорт лъэпкъымкIэ Мые­къуапэ ичемпионат рагъэжьагъ. Адыгеим икъэлэ шъхьаIэ имызакъоу, Джэджэ, Кощхьэблэ ыкIи Мыекъопэ районхэм якомандэхэр зэнэкъокъухэм ахэлажьэх. ЗэкIэм­кIи ахэм япчъагъэ 26-рэ мэхъу.

Зэнэкъокъухэм къадыхэлъы­тэгъэ ешIэгъухэр Адыгэ къэралыгъо университетым испортзал щыкIощтых.

БлэкIыгъэ зыгъэпсэфыгъо ма­фэ­хэм зэIукIэгъуи 6 щыIагъ. Хъу­лъфыгъэ командэхэм язэнэ­къокъу щатекIуагъэх «СШОР N 1», «АГУ-Мары», «Нарт» зыфи­Iохэрэр. Бзылъфыгъэхэр пштэмэ, яешIэгъухэр къахьыгъэх командэхэу «АГУ», «Еджэркъуай-1» ыкIи «Виктория» зыфиIохэрэм.

КъыкIэлъыкIощт зэIукIэгъухэр гъэтхапэм и 25 — 26-м яIэщтых. Мы спорт лъэпкъыр зыгу рихьы­хэрэр ешIэгъухэм яплъынхэу зэ­хэщакIохэм рагъэблагъэх.