«АГУ-Адыифыр» Ижевскэ икомандэу «Уни­верситетым» мы мафэхэм IукIагъ. Мызыгъэгум типшъашъэхэм ешIэгъур ашIуахьыгъ.

«Университет» (Ижевск) — «АГУ- Адыиф» (Мыекъуапэ) — 31:24 (17:14)

Адыгеим икомандэ зэлъыпытэу ешIэгъуитф къыхьыгъ, ау «Университетым» текIон ылъэкIыгъэп. Мы командэхэм гъэтхапэм и 9-м Мыекъуапэ щыряIэгъэ зэIукIэ­гъум «АГУ-Адыифыр» нахь щылъэ­шыгъ, ау ятIонэрэ ешIэгъум ар къыдэ­хъугъэп.

Апэрэ таймым типшъашъэхэр дэгъоу джэгугъэх, пчъагъэмкIэ бысымхэм апэ итыгъэх. Ау апэрэ едзыгъом итакъикъитфэу къэнагъэм Ижевскэ икомандэ нахь щылъэшыгъ, ыпэ ишъыгъ. ЯтIонэрэ таймым бысымхэм ешIэкIэ дэгъу къагъэлъэгъуагъ, пчъагъэм хагъа­хъозэ текIоныгъэр къыдахыгъ.

Адыгеим икомандэ зичэзыу ешIэгъоу иIэщтыр Санкт-Петербург щыкIощт, Суперлигэм икупэу «Б-м» аужырэ чIыпIэр щызыIыгъ «Балтийская заря» зыфиIорэм гъэтхапэм и 25-м IукIэщт.

«АГУ-Адыифым» очко 17 ригъэкъугъ, яплIэнэрэ чIыпIэм щыт. Ящэнэрэр «Феникс», апэрэ ыкIи ятIонэрэ чIыпIэхэр аIыгъ «Ставропольем» ыкIи «Университетым». Чемпионатыр аухынкIэ командэхэм ешIэгъуиплI къа­фэнагъ.