БоксымкIэ Адыгэ Республикэм ипер­венствэ станицэу Джаджэм щыкIуагъ. Аныбжь елъытыгъэу спорт­сменхэр купитIоу го­щыгъагъэх: илъэс 13 — 15-м ыкIи 15 — 16-м шIомыкIыгъэхэр. Зэнэкъо­къу­хэр физкультурэ комп­лексэу «Кристаллым» щызэхащагъэх. ЗэхэщакIохэм зэрагъэ­нэфагъэу, мы спорт лъэпкъыр зыгу рихьыхэрэм ып­кIэ амытэу зэнэкъокъу­хэм яплъынхэ амал яIагъ. Ыпэрэ илъэсхэм афэдэу Мыекъуапэ испортсменхэр ары нахь къахэщы­гъэхэр, ахэм апэрэ чIыпIэ 17 къахьыгъ. Гъогогъу тIо­рытIо текIоныгъэр къыда­хыгъ Мыекъопэ, Кощхьэблэ ыкIи Тэхъутэмыкъое районхэм ялIыкIохэм.