Къыблэ федеральнэ шъолъырым дзюдомкIэ ипервенствэ къалэу Ермэлхьаблэ щыкIуагъ. Ащ илъэс 15-м нэс зыныбжь кIалэхэр ыкIи пшъашъэхэр хэлэжьагъэх.

Адыгэ Республикэр спортсмен 55-мэ къагъэлъэгъуагъ — кIэлэ 47-мэ ыкIи пшъэшъи 8-мэ. Шъо­лъырым хэхьэрэ субъектхэм зэкIэми къарыкIыгъэ спортсмен 458-рэ медальхэм афэбэнагъэх.

Адыгеим зэнэкъокъум спорт­смен пчъагъэу къыщигъэлъэ­гъуагъэмкIэ я 4-рэ чIыпIэр Рес­публикэу Къырым дигощыгъ. Ау щыт нахь мышIэми, тиныбжьыкIэхэм гъэхъэгъэшIухэр ашIынхэ алъэкIыгъ.

Зэфэхьысыжьхэм къызэрагъэлъэгъуагъэмкIэ, текIоныгъэр къы­дахыгъ Бжьэц Самир, Нэхэе Артур ыкIи Бэгъушъэ Алинэ. Джащ фэдэу нэбгыри 4 ящэнэрэ хъугъэх: Уджыхъу Адам, СултIан Салбый, ЦIыкIу Аскэр ыкIи Чэтыхъу Азэмат.

Зэнэкъокъум изэфэхьысыжьхэмкIэ спортсмени 9 зыхэ­хьащт хэшыпыкIыгъэ командэхэр зэхащэщтых. Ахэр пер­венствэм и Урысые едзыгъоу Мурманскэ хэкум щыкIощтым хэлэжьэщтых.