Ушум ифестиваль гъэтхапэм и 5-м республи­кэм икъэлэ шъхьаIэ щыкIощт. Ащ кIэщакIо фэхъугъ Мыекъуапэ физическэ культурэмкIэ ыкIи спортымкIэ и Комитет. Фаехэр зэкIэ Iофтхьабзэм хэлэжьэнхэ алъэкIыщт.— ЦIыфхэм япсауныгъэ агъэпытэныр ары фестивалым пшъэрылъ шъхьаIэу иIэр. Мы Iофтхьабзэр тхьамэфэ заулэм къыкIоцI редгъэкIокIыщт, цIыфхэр нахьыбэу къы­хэгъэлэжьэгъэнхэм пае Мыекъуапэ ичIыпIэ зэфэ­шъхьафхэм тащызэIукIэщт, — къыIуагъ Мыекъопэ спорткомитетым ипащэу Дмитрий Щербаневым.

Спортсмен цIэрыIохэу, Урысые ыкIи дунэе зэнэкъокъухэм пчъагъэрэ ащытекIогъэхэ Евгений Сухановымрэ Дарья Крендясовамрэ опытэу аIэкIэлъымкIэ фестивалым хэлажьэхэрэм адэгощэщтых.

Iотфхьабзэр республикэ шахмат клубым дэжь щыкIощт, мафэм сыхьатыр 3-м рагъэжьэщт.