Зэнэкъокъур аухыгъ
Адыгэ Республикэм футболымкIэ изэIухыгъэ кIымэфэ зэнэкъокъу аухыгъ.
Ащ зэкIэмкIи командэ 29-рэ хэлэжьагъ. Апшъэрэ купым текIоныгъэр къыщыдихыгъ Мыекъопэ районым икомандэу «Урожаим», зыныбжь илъэс 40-м ехъугъэхэм ащытекIуагъ командэу «ВНГ-р». Командабэ зыхэлэжьэгъэ апэрэ лигэм анахь щылъэшыгъэр Мыекъуапэ икомандэу «Ошъутенэр» ары, «Спортмастер-2» зыфиIорэр ятIонэрэ чIыпIэм щыт, ящэнэрэ хъугъэ командэу «Легионыр».
Я 12-рэ турым зэфэхьысыжьэу фэхъугъэхэр:
Ошъутен — Альянс — 4:2, Юг-Авто — Кавказ — 3:6, МФОК-у «Ошъутен» — Спортмастер — 1:2, СШОР-2008 — Легион — 1:9, Делотехникэр — Спортмастер-2 — 1:5, СШОР-2007 — Сокол — 2:3. Анахь ешIэкIо дэгъоу зэхэщакIохэм къыхахыгъэхэр Арсен Мазлов (Ошъутен), Борик Бабалян (Спортмастер-2), Андрей Переверзев (Легион).
Командэхэм очко пчъагъэу рагъэкъугъэр:
Ошъутен — 33, Спортмастер-2 — 29, Легион — 26, Спортмастер — 25, МФОК-у «Ошъутен» — 25, Тульскэр — 22, Сокол — 16, Кавказ — 15, Юг-Авто — 12, Делотехника — 9, СШОР-2007 — 8, СШОР-2008 — 5, Альянс — 1.