УФ-м и Президентэу Владимир Путиным УФ-м и Федеральнэ ЗэIукIэ илъэс къэс фигъэхьырэ Джэпсалъэр неущ къышIыщт.

Къэралыгъом ипащэ ипресс-секретарэу Дмитрий Песковым къыIуагъэу федеральнэ къэбарлъыгъэIэс амалхэм къызэратыгъэмкIэ, Iофтхьабзэм хэушъхьафыкIыгъэ дзэ операцием хэла­жьэхэрэри къырагъэблэгъагъэх.

— Хабзэ хъугъэу илъэс къэс къырагъэблагъэ­хэрэр щыIэх, ау непэ Iоф­хэм язытет къыдэлъытагъэу, ащ зэхъо­кIыныгъэхэр фэхъущтых, — къыIуагъ Кремлым илIыкIо.

Президентым ипресс-секретарь къызэриIуагъэмкIэ, хэу­шъхьафыкIыгъэ дзэ операциеу Украинэм щыкIорэр, къэралыгъом иэкономикэ изытет, социальнэ лъэныкъор ары пащэм и Джэпсалъэ зигугъу нахь къыщишIыщтхэр. Политологхэм ти­хэгъэгу исхэм ямызакъоу, IэкIыб къэрал пащэхэми, Украинэм щыпсэухэрэми зафигъэзэнэу зэренэгуехэрэр къыхагъэщы.

УФ-м и Президент Федеральнэ ЗэIукIэм фигъэхьырэ Джэ­псалъэр Урысые телевидением и Апэрэ канал, «Россия-1-м» ыкIи «НТВ-м» занкIэу къатыщт, сыхьатыр 12-м Iофтхьабзэр рагъэжьэщт.