Урысыем иныбжьыкIэхэм самбэмкIэ язэнэкъокъу Свердловскэ хэкум ит къалэу Верхняя Пышма мэ­заем и 14-м щегъэжьагъэу и 18-м нэс щыкIуагъ. Илъэс 18 — 20 зыныбжь кIалэхэм ыкIи пшъашъэхэм заушэтыгъ.

Адыгеим щыщ Гъомлэшк Анзор алырэгъум дэгъу дэдэу щыбэнагъ ыкIи Урысыем ипервенствэ идышъэ медаль къыдихыгъ. Адыгэ кIалэм итренерых Делэкъо Адамрэ Гъомлэшк Алыйрэ. Мы спорт лъэпкъымкIэ Дунэе зэнэ­къокъоу щыIэщтым Урысыер тиспортсмен къыщигъэлъэ­гъощт.

БэнакIохэу Хьакъуй Амир (тренерхэр А. Делэкъу, А. Гъомлэшк) ыкIи Наш Расул (Р. Джарымэкъу ыкIи А. Джарымэкъу) ящэнэрэ чIы­пIэр къыдахыгъ, ахэр Уры­сыем ихэшыпыкIыгъэ командэ хэ­хьагъэх.

Джащ фэдэу кг 98-м нахьыбэ къэзыщэчыхэрэмкIэ ящэ­нэ­рэ хъугъэ Тхьакъохъо Ратмир.

ТекIоныгъэу къыдахыгъэмкIэ тиспортсменхэм ыкIи ахэм ятренерхэм тафэгушIо, тапэкIи гъэхъэгъэшIухэр ашIынхэу афэтэIо.