Медали 10 къахьыгъ
Мы спорт лъэпкъымкIэ Къыблэ федеральнэ шъолъырым изэнэкъокъухэм Адыгеим испортсменхэм медалипшI къыщахьыгъ. Iофтхьабзэр зыщыкIуагъэр къалэу Новороссийск.
ТекIоныгъэр ыкIи хагъэунэфыкIырэ чIыпIэхэр къыдэзыхыгъэхэр зыгъасэхэрэр АР-м изаслуженнэ тренерэу, республикэ спорт еджапIэу N 2-м итренерэу НамытIэкъо Аскэрбый. Тиспортсмени 7-мэ текIоныгъэр къыдахыгъ — Николай Тагобецкэм, Давит Саргсян, Заур Магомедовым, Гаджимурад Муртазалиевым, Кристина Морозовам, Алена Вапельник ыкIи Вилена Парамоновам. Джащ фэдэу нэбгырищмэ ятIонэрэ чIыпIэхэр афагъэшъошагъэх.
ТекIоныгъэр къыдэзыхыгъэхэр къалэу Москва щыкIощт Урысыем ичемпионат хэлэжьэщтых.