Адыгэ Республикэм ибзылъфыгъэ командэу «АГУ-Адыиф-2-м» зичэзыу ешIэгъухэр иIагъэх. Мызыгъэгум типшъашъэхэр Мыекъуапэ щешIагъэх. Командхэу «Университет-2-м» (Ижевск) ыкIи «Лада-2-м» (Тольяти) гъогогъу тIурытIо аIукIагъэх.

Яна Усковам ыгъэсэрэ купым апэрэ ешIэгъуитIоу Ижевскэ икомандэ дыриIагъэр къинышхо къы­щыхъугъэп, текIоныгъитIу къыдихыгъ. Пчъагъэр 27:23 ыкIи 33:24.

Ащ ыуж «АГУ-Адыифым-2» Урысые зэнэкъокъум пэрытны- гъэ щызыIыгъ командэхэм ащыщэу «Лада-2-м» дыриIэгъэ зэIукIэгъухэр къызэрыкIуагъэхэп. ЯтIо­нэрэ чIыпIэм щыт хьакIэхэм гъогогъуитIо текIоныгъэр къыдахыгъ, пчъагъэр 25:37 ыкIи 29:52.

Адыгеим икомандэ ешIэгъу 26-рэ иIагъ, я 9-рэ чIыпIэм щыт. Джыри ешIэгъу 14 къыфэнагъ.

Мэзаем и 21 — 22-м Звенигород икомандэу «Звезда-2» зыфиIорэр Мыекъуапэ къэкIощт. Гандболыр зыгу рихьыхэрэр мы ешIэгъухэм яплъынхэу зэхэщакIохэм рагъэб­лагъэх.