Адыгэ Республикэм футболымкIэ изэIухыгъэ кIымэфэ зэнэкъокъу къыдыхэлъытэгъэ ешIэгъухэр блэкIыгъэ зыгъэпсэфыгъо мафэхэм щыIагъэх. Апэрэ купым хэт командэхэр я 10-рэ турым щызэIукIагъэх.

Пстэуми апэ ишъыгъэ командэхэу «Ошъутен» ыкIи «Спортмастер-2» зыфиIохэрэм яешIэгъу ары анахь гъэшIэгъоныгъэр. Ахэм зыкIи къатекIуагъэхэп. Командэхэм лъэкIэу яIэр къагъэлъэ­гъуагъ, дэхэ дэдэу ешIэгъур кIуагъэ. «Спортмастер-2-м» текIоныгъэр къыдихыгъ ыкIи апэрэ чIыпIэм кIуагъэ. Пчъагъэр 5:4. Ау «Ошъутенэм» джыри зы ешIэгъу лые иI, арышъ, ар апэрэ чIыпIэм уцужьын ылъэкIыщт. Апэрэ купым хэт командэхэм джыри тури 4 къафэнагъ, аужырэ ешIэгъум ыуж хагъэунэфыкIырэ чIыпIэхэр къыдэзыхыгъэхэр къэ­нэфэщтых.

Я 10-рэ турым изэфэхьысыжьхэр:

Кавказ — Легион — 3:8, Юг-Авто — МФОК-у «Ошъутен» — 2:3, Ошъутен — Спортмастер-2 — 4:5, Спортмастер — Тульскэр — 4:1, СШОР-2008 — Делотехника— 3:3, СШОР-2007 — Альянс — 4:1 . Анахьыбэу Iэгуаор къэлапчъэм дэзы­дзагъэхэр:

А. Мазлов (Ошъутен) — 18, Б. Бжьэц (Легион) — 15, А. Чакалов (Спортмастер-2) — 13.

Апэрэ купым ще­шIэрэ командэхэм очко пчъагъэу рагъэкъугъэр:

Спортмастер-2 — 26, Ошъутен — 24, Легион — 19, МФОК-у «Ошъутен» — 19, Спортмастер — 16, Тульскэр — 16, Кавказ — 12, Юг-Авто — 12, Делотехника — 9, СШОР-2007 — 7, Сокол — 7, СШОР-2008 — 1, Альянс — 0.