Илъэс къэс мы Iофтхьабзэм кIэщакIо фэхъу Мыекъопэ къэлэ администрацием физическэ культурэмкIэ ыкIи спортымкIэ и Комитет. Зэнэкъокъухэм ахэхьэрэ спорт лъэпкъхэр зэблахъух, ау сыдигъокIи ахэр гъэшIэ­гъонэу рекIокIых.

Мы илъэсыр пштэмэ, Спар­такиадэм спорт лъэпкъ 14 ха­гъэхьагъ. КIэлэеджакIохэр фут­болымкIэ, урам баскетболымкIэ ыкIи теннис цIыкIумкIэ зэнэ­къокъугъэх. Джырэ ахътэм волейболымкIэ командэхэм язэIу­кIэгъухэр макIох. Адыгеим икъэ­лэ шъхьаIэ дэт еджэпIэ, лицей, гимназие 20-мэ ялIыкIохэр зэ­нэкъокъухэм ахэлажьэх. Ахэр купитIоу гощыгъэх — гъэсэныгъэм иучреждениехэм ачIэс нэ­бгырэ пчъагъэм елъытыгъэу. КIэ­лэ Iэтахъохэм язэIукIэгъухэр блэкIыгъэ зыгъэпсэфыгъо ма­фэхэм кIуагъэх.

Апэрэ купым текIоныгъэр къы­щыдихыгъ гурыт еджапIэу N 7-м икомандэ, лицееу N 19-р — ятIонэрэ хъугъэ, гимназиеу N 35-м икомандэ ящэнэрэ чIыпIэр фагъэшъошагъ.

ЯтIонэрэ купым ащытекIуагъ ОШ-у N 20-м икомандэ, ятIонэрэ чIыпIэр къыдахыгъ еджапIэу N 13-м илIыкIохэм, ящэнэрэ хъу­гъэх ОШ-у N 18-м икIэлэеджа­кIохэр.

Пшъашъэхэм язэIукIэгъу шъхьа­Iэхэри ыкIэм фэкIуагъэх, хагъэу­нэфыкIырэ чIыпIэхэр къыдэзы­хыщтхэр къэнэфэщтых.

Джы шахмэтымкIэ кIэлэеджакIохэр зэнэкъокъущтых.