Тиспортсменхэм тафэгушIо!
Щылэ мазэм и 16-м щегъэжьагъэу и 20-м нэс самбэмкIэ Урысыем и Первенствэ къалэу Кстовэ щэкIо.
Илъэс 24-м нэс зыныбжь кIалэхэр ыкIи пшъашъэхэр ащ хэлажьэх. Урысыем ишъолъырхэм къарыкIыгъэ спортсмен 400-м ехъу зэнэкъокъухэм ахэлажьэх.
Екатерина Соловьевам (зыгъасэрэр Б. Нэныжъ), джащ фэдэу Кобл Рэмэзан (тренерхэр Р. Джарымэкъу, А. Джарымэкъу) ятIонэрэ чIыпIэхэр къыдахыгъэх.
Спортсменхэм ыкIи тренерхэм тафэгушIо, тапэкIи гъэхъэгъэшIухэр ашIынхэу афэтэIо.