«АГУ-Адыиф-2» Мыекъуапэ — «Кубань-2» Краснодар — 25:37 (9:20). Щылэ мазэм и 14-м Мыекъуапэ щызэдешIагъэх.

«АГУ-Адыиф-2»: къэлэпчъэ­Iутыр: Черницова; ешIакIохэр: Белозерова, Антонян — 1, Дэргушъау — 4, Креховецкая, Жденова, Дыды — 2, Бахъукъо, Коваленко, Бзэджэжъыкъо — 3, Кравченко, Дрында — 3, Добарджич — 7.

«Кубань-2»: Лысенко — 8, Хьэкъуамэ — 6.

— Щылэ мазэм и 16-м суперлигэм щешIэрэ гандбол командэу «Адыифыр» «Ставропольем» Мыекъуапэ щыдешIэщт. Ащ фэшI Ангелина Куцеваловар, Къэбжь Заремэ, нэмыкIхэри «Адыиф-2-м» щешIагъэхэп, — къытиIуагъ тренер шъхьаIэу Александр Реввэ.

ЯIэпэIэсэныгъэ хагъэхъонымкIэ дэгъоу ешIагъэх нахь ныбжьыкIаIохэу Дэргушъау Данэ, Виктория Коваленкэр, Дыды Эвелинэ, Сельма Добарджич.

ЯтIонэрэ ешIэгъур

«АГУ-Адыиф-2» — «Кубань-2» — 35:37 (19:18).

Щылэ мазэм и 15-м АР-м испорт Унэшхоу «Ошъутенэм» щызэIукIагъэх.

«Адыиф-2»: къэлэпчъэIутыр: Черницова; ешIакIохэр: Белозерова — 6, Дэргушъау — 1, Жденева — 4, Дыды — 4, Кова­ленко — 7, Бзэджэжъыкъу — 3, Дринда — 1, Добарджич — 9, Антонян, Креховецкая, Кравченко, Бахъукъо.

«Кубань-2»: Хьэкъуамэр нахь къахэщыгъ.

ЯтIонэрэ зэIукIэгъум икIэух «Адыиф-2-р» нахьыбэрэ ыпэкIэ илъыгъ, ау «Кубань-2-м» кIэхьа­жьын ылъэкIыгъэп.

ЧIыпIэхэр

1. «Лада-2» — 36 2. «ЦСКА-2» — 35 3. «Астраханочка-2» — 34 4. «Ростов-Дон-2» — 31 5. «Кубань-2» — 26 6. «Динамо-2» — 24 7. «Звезда-2» — 19 8. «Ставрополье-СУПР» — 19 9. «АГУ-Адыиф-2» — 7 10. «Луч-2» — 4 11. «Университет-2» — 2.

ЗэIукIэгъухэр

Мэзаем и 1 — 2-м «АГУ-Адыиф-2-р» ЦСКА Москва, и 4 — 5-м «Лада-2» Тольятти Мыекъуапэ ащыIукIэщт.