Сыдэущтэу нахьыбэрэ щыбгъэлъыщта?
Урысыем икъэралыгъо гъэпсыкIэ игъэпытэн тыхэлажьэ, шъолъыр- нэпэеплъыхэм мэхьэнэ ин ятэты.
БэмышIэу дунэе хъытыум щашIыгъэ ушэтынхэмкIэ тикъэралыгъо анахь щызэлъашIэрэ нэпэеплъищ къэнэфагъ. Тулэ ипряник апэрэ чIыпIэр къыдихыгъ. Оренбург цы шъхьатехъор ятIонэрэ хъугъэ. Адыгэ къуаем ящэнэрэ чIыпIэр къызэрэфагъэшъошагъэр хэдгъэунэфыкIызэ Адыгеим щыщ кIалэхэм ягъэхъагъэхэри къыхэдгъэщын.
Анахьэу зы къэбар къэтIотэщт. IофшIапIэу «Матэм» ипащэу Цышэ Казбек Адыгэ Республикэм и Лъэпкъ музей къакIуи, зэхищэгъэ зэIукIэм къыфэдгъэзэжьы тшIоигъу.
Ижъырэ лъэхъаным къыщегъэжьагъэу адыгэ конымрэ адыгэ къуаемрэ зэгъусэхэу сыда къуаер зыкIаухъумэщтыгъэр?
Адыгэ къое гъэгъугъэм анахь ухъумэкIо дэгъоу иIагъэр коц коныр ары. Лъэшэу аущыугъэ адыгэ къое гъэгъугъэр ащ щаухъумэщтыгъ. Къое гъэгъугъэр коцым хагъэбылъыхьэти, къуаер илъэсыбэрэ хэлъыщтыгъ.
Къое гъэгъугъэмрэ коцымрэ шынэгъакIэу яIэр зэрэзэфэдизым къыхэкIэу илъэс пчъагъэрэ хэлъын зэрилъэкIыщтыгъэр ижъырэ адыгэхэм яшIушIагъэхэм ащыщ.
Адыгэ Республикэм культурэмкIэ изаслуженнэ IофышIэу, археолог цIэрыIоу Тэу Аслъан къызэрэтиIуагъэу, музеим къакIохэрэ артистхэу Урысыем ишъолъырхэм къарыкIыгъэхэр адыгэ къуаем къыкIэупчIэх…
Тонн мин 25-м нахьыбэ хъоу адыгэ къуаер 2022-рэ илъэсым Адыгеим къыщыдагъэкIыгъ. Ар 2021-рэ илъэсым нахьи нахьыб.
Адыгэ къуаем ифестивальхэр, нэмыкI зэхахьэхэр Адыгэ Республикэм щэкIох. Ахэм цIыфыбэ ахэлажьэ.