Санкт-Петербург щырагъажьэ
Урысые Федерацием кушъхьэфэчъэ спортымкIэ изэнэкъокъухэр мэзаем и 17 — 24-м Санкт-Петербург щыкIощтых.
Зыныбжь икъугъэхэр, ныбжьыкIэхэр трекым щызэнэкъокъущтых. Адыгеим инэбгырибл зэнэкъокъухэм ахэлэжьэщтых. Урысыем ихэшыпыкIыгъэ командэхэм ахэтхэу, Адыгеим испортсмен анахь дэгъухэу Елизавета Арчибасовар, СтIашъу Мамыр, Таисия Чуренковар, Анастасия Могилевскаяр, нэмыкIхэри зэнэкъокъухэм ахэлэжьэнхэу загъэхьазыры. Мыгъэ ар апэрэ зэIукIэгъоу тиспортсменхэм яIэщтых.
Краснодар краим щыкIощт зэнэкъокъухэу кушъхьэфэчъэ спортымкIэ зэхащэщтхэм тиныбжьыкIэхэм щылэ мазэм и 14 – 16-м яIэпэIэсэныгъэ къащагъэлъэгъощт. Щылэ мазэм и 21-м Адыгэ Республикэм кушъхьэфэчъэ спортымкIэ изэнэкъокъухэр Мыекъуапэ щыкIощтых.