Кстово щыбэнэщтых
Урысыем самбэмкIэ изэнэкъокъу хэлэжьэрэ командэхэу илъэс 24-м нэс зыныбжьхэр шышъхьэIум и 16 — 19-м Кстово щызэIукIэщтых.
— Нижегород хэкум икъалэу Кстово щыкIощт зэнэкъокъум хэлэжьэщтых Адыгеим ибэнэкIо ныбжьыкIэхэр, — къытиIуагъ АР-м самбэмкIэ испорт еджапIэ ипащэу, спортымкIэ дунэе класс зиIэ мастерэу Делэкъо Адам. — Елена Соловьевар, Гъомлэшк Анзор, Хьакъуй Амир, Кобл Рэмэзан, Нащэ Расул, нэмыкIхэм зэнэкъокъум зыфагъэхьазыры.
Екатерина Соловьевам дунаим апэрэ, Европэм ятIонэрэ чIыпIэхэр 2022-рэ илъэсым къащыдихыгъэх. Нащэ Расулрэ Кобл Рэмэзанрэ апэрэ чIыпIэр Европэм къыщахьыгъ. 2021-рэ илъэсым Хьакъуй Амир апэрэ чIыпIэр дунаим къыщихьыгъ.
Нащэ Расул, Екатерина Соловьевар, Нащэ Рэмэзан Адыгэ Республикэм физкультурэмкIэ ыкIи спортымкIэ и Комитет Адыгеим испортсмен ныбжьыкIэ анахь дэгъухэу къыхихыгъэ нэбгырипшIхэм ащыщых. Тиспортсменхэм ягъэхъагъэхэм ахагъэхъонэу афэтэIо.