«Лада» Тольятти — «АГУ-Адыиф» Мыекъуапэ — 39:32 (25:15). Щылэ мазэм и 11-м Тольятти щызэIукIагъэх.

«АГУ-Адыиф»: къэлэпчъэIутхэр: Пивнева, Баскакова; ешIа­кIохэр: Краснокутская — 3, Кириллова — 1, Колодяжная — 1, Морозова — 2, Къэбж — 5, Куцевалова — 3, Казиханова — 3, Голунова — 3, Дворцевая — 6, Краснова — 2, Кожубекова — 3, Мещерякова.

«Лада»: Моркат — 6, Щербак — 6, Малаченко — 5.

ЕшIэгъум ия 5-рэ такъикъ пчъа­гъэр 4:3-у щытыгъ. Я 17-рэ такъи­къым 11:9 хъугъэ. «Адыифыр» нахь пхъашэу ыпэкIэ илъыщтыгъ, ау «Ладэри» текIоныгъэм фэбанэщтыгъ. Я 45-рэ такъикъым 27:21, такъикъи 6 къызэнэм 35:28 хъугъэ.

Къэбж Заремэ я 57 — 58-рэ такъикъхэм гъогогъуитIо «Ладэм» икъэлапчъэ Iэгуаор дидзагъ. Алиса Дворцеваям аужырэ та­къикъ­хэм гъогогъуи 2 хъагъэм Iэгуаор ридзагъ. Юлия Кожубековам аужырэ Iэгуаор «Ладэм» икъэлапчъэ дидзагъ, ау пчъагъэр тэркIэ бащэу щытыгъ — 39:32.

Юлия Кожубековар ухъума­кIохэм ябэнызэ Iэгуаор Къэбж Заремэ рити, адырэм хъагъэм дахэу ар зэрэридзагъэр, Екатерина Пивневам чыжьэу ыпэкIэ ыдзыгъэ Iэгуаом Алиса Дворцеваяр лъычъи къэлапчъэм Iэгуаор зэрэдигъэфагъэр, нэмыкIхэри тыгу къэкIыжьых.

«Адыифым» къэлапчъэм Iэгуа­ор бэрэ дедзэ, ау ухъумэн Iоф­хэр икъоу къыдэхъухэрэпышъ, ешIэгъухэр шIуахьых.

ЕшIэгъухэр

«Университет» — «Кубань» — 23:42, «Ставрополье» — «Астраханочка» — 23:33, «Ростов-Дон» — «Динамо» — 33:25, ЦСКА — «Балтийская заря» — 44:19.

Хэт тыдэ щыIа?

1. ЦСКА — 42 2. «Ростов-Дон» — 34 3. «Астраханочка» — 33 4. «Лада» — 31 5. «Звезда» — 26 6. «Кубань» — 22 7. «Динамо» — 21 8. «Ставрополье» — 16 9. «Университет» — 16 10. «Феникс» — 12 11. «АГУ-Адыиф» — 5 12. «Луч» — 4 13. «Балтийская заря» — 2.

Щылэ мазэм и 16-м «АГУ- Адыифыр» «Ставрополье» Ставрополь Мыекъуапэ щыIукIэщт. ЗэIукIэгъур спорт Унэшхоу Кобл Якъубэ ыцIэ зыхьырэм щыкIонэу щыт.