В. Ивич — тренер шъхьаI
Урысыем футболымкIэ изэнэкъокъоу апшъэрэ купым щыкIорэм щешIэрэ «Краснодар» итренер шъхьаIэу Владимир Ивич агъэнэфагъ.
Владимир Ивич Сербием къыщыхъугъ, икIэлэцIыкIугъом къыщыублагъэу футболым пылъ. Сербием, Грецием, Германием, Англием яфутбол командэхэм ащешIагъ, тренерэу Iоф ащишIагъ, илъэс 45-рэ ыныбжь.
Аужырэ илъэсхэм Владимир Ивич Израиль икомандэу «Маккаби» Тель-Авив итренер шъхьаIэу щытыгъ. Командэм зэкIэлъыкIоу хэгъэгум апэрэ чIыпIэр гъогогъуитIо къыщыдихыгъ. Джырэ уахътэ «Маккаби» ятIонэрэ чIыпIэр Израиль изэнэкъокъу щиIыгъ.
«Краснодар» итренер шъхьаIэу Iоф зышIэщтыгъэ Александр Сторожук «Краснодар-2-м» агъэкIожьыгъ.
«Краснодар» итренер шъхьаIэхэр бащэрэ зэблахъух. Арэу щытми, иIэнатIэ Iухьэгъэ Владимир Ивич сэнэхьатэу къыхихыгъэм ишъыпкъэу дэлэжьэнэу, Краснодар краим ифутбол нахь лъагэу къэIэтыгъэным иIахьышIу хишIыхьанэу фэтэIо.
2022 — 2023-рэ илъэс ешIэгъум «Краснодар» я 8-рэ чIыпIэр щиIыгъ. Хэгъэгум изэнэкъокъу гъэтхапэм и 5-м рагъэжьэжьыщт. «Краснодар» «Торпедо» Москва Краснодар щыIукIэщт.