Афганистан дзэ къулыкъур щызыхьыгъэ тидзэкIолIхэу лъыхъужъныгъэ зезыхьагъэхэм афэгъэхьыгъэ шIэжь зэнэкъокъур самбэмкIэ Ермэлхьаблэ щыкIуагъ.

Хэгъэгум ишъолъырхэм ябэна­кIохэр зэIукIэгъухэм ахэлэжьагъэх. Адыгеим зыщызыгъасэхэрэр яIэпэIэсэныгъэкIэ къахэщыгъэх.

Мэлгощ Адам, кг 58-рэ, апэрэ чIыпIэр къыдихыгъ. Тренерхэу Делэкъо Адам ыкIи Гъомлэшк Алый ипащэх. Нащэ Расул, кг 71-рэ, апэрэ чIыпIэр къыфагъэшъошагъ. Тренерхэу Джарымэкъо Рустамрэ Джарымэкъо Азмэтрэ агъэсэрэ Нащэ Расул мыгъэ Европэм иныбжьыкIэхэм язэнэ­къокъу дышъэ медалыр къыщихьыгъ.

ЯтIонэрэ чIыпIэр Адыгеим ибэнэкIуи 3-мэ къыдахыгъ. Кобл Рэмэзан, кг 58-рэ, тренерхэр Джарымэкъо Рустам, Джарымэкъо Азмэт. Хьакъуй Ислъам, кг 79-рэ, тренерхэр Делэкъо Адам, Гъомлэшк Алый. ТIэшъу СултIан, кг 88-рэ, тренерыр Мэрэтыкъо Сахьид.

ЛIыхъурэе Мурат, кг 58-рэ, Гъомлэшк Анзор, кг 64-рэ, ГуIэтыжь Пщымаф, кг 88-рэ, Кузьминов Сергей, кг 98-рэ, ящэнэрэ чIыпIэхэр къахьыгъэх. БэнакIохэр тренерхэу Делэкъо Адам, Гъомлэшк Алый, ГуIэтыжь Хъалидэ, Дэхъужь Хъызыр, Дэхъужь Мурат агъасэх.

— Ермэлхьаблэ щыкIогъэ зэнэкъокъум 2002 — 2005-рэ илъэсхэм къэхъугъэ кIалэхэр щызэIукIагъэх. ХагъэунэфыкIырэ чIыпIэхэр къыдэзыхыгъэхэр 2023-рэ илъэсым Урысыем иныбжьыкIэхэм якIэух зэнэкъокъоу щыIэщтым хэлэжьэщтых, — къыти­Iуагъ Адыгэ Республикэм самбэмкIэ испорт еджапIэ ипащэу, спортымкIэ дунэе класс зиIэ мастерэу Делэкъо Адам.

Сурэтым итхэр: кг 71-рэ къэ­зыщэчыхэрэм якуп хагъэунэфыкIырэ чIыпIэхэр кыщыдэзыхыгъэхэр.