Росгвардием и Къыблэ шъолъыр икъулыкъу­шIэхэм IэкIэ утын ехыгъэнымкIэ язэнэкъокъу Шъачэ щыкIуагъ. Адыгэ Республикэм и Росгвардие икъулыкъушIэхэр зэIукIэгъухэм ахэлэжьагъэх. Урысые Федерацием илъэпкъ гвардие и Къыблэ шъолъыр испортсмени 100 фэдиз алырэгъум щызэнэкъокъугъ. Ахэр Къыблэм ишъолъырихмэ якомандэ 18-мэ ахэтыгъэх. Адыгеим и Росгвардие икъулыкъушIэу Руслан Чатоевым, кг 62-рэ, апэрэ чIыпIэр къыдихи, дышъэ медалыр къыфагъэшъошагъ. — Зэнэкъокъум зыфэзгъэхьазырзэ IэпыIэгъу къысфэхъугъэхэ къулыкъушIэхэм, тренерхэм, сиIахьылхэм, спортыр зыгу рихьыхэу къытлъыплъэхэрэм сафэраз, гъэзетымкIи «тхьашъуегъэпсэу» ясIожьы сшIоигъу. ИлъэсыкIэу къихьэрэм Тхьэм зэкIэми гушIуагъо къафихьынэу сафэлъаIо, — къыIуагъ Руслан Чатоевым,