Адыгэ Республикэм и Кубок атлетикэ онтэ­гъумкIэ къыдэхыгъэным фэгъэхьыгъэ зэнэкъокъур Тэхъутэмыкъое районым ипсэупIэу Инэм щы­кIуагъ.

Яонтэгъугъэхэм ялъытыгъэу апэрэ чIыпIэхэр къыдэзыхыгъэ­хэм, тренерхэм шъуащытэгъэ­гъуазэ.

ОелI СултIан, кг 55-рэ, Шэу­джэн Адам, кг 102-рэ, ДышъэкI Налбый, кг 109-рэ. ТекIоныгъэр къыдэзыхыгъэхэр тренерэу Чэмбэхъу Анзор егъасэх. Бгъуашэ Асхьад, кг 61-рэ, тренерыр Бгъуа­шэ Тимур, Арсен Мна­саканян, кг 67-рэ, тренерыр Шъэожъ Мурадин. ЩэшIэ Рустам, кг 73-рэ, Сихъу Аслъан егъасэ.

Михаил Бесовыр тренерэуи, спортсменэуи зэнэкъокъум хэлэжьагъ. Килограмм 81-м нэс къэзыщэчыхэрэм якуп апэрэ чIыпIэр къыщихьыгъ.

Артем Казаков, кг 89-рэ, апэрэ чIыпIэр къыхьыгъ, тренерыр Роман Казаков. Артем Горлов, кг 96-рэ, текIоныгъэр къыдихыгъ, тренерыр Роман Казаков.

Ахмадиев Рустам, кг 109-м къехъу, апэрэ чIыпIэр къыфа­гъэшъошагъ, Алексей Красновым егъасэ.

Красногвардейскэ районым ихэшыпыкIыгъэ командэ апэрэ чIыпIэр къыдихыгъ, Тэхъутэмыкъое районым щыщхэм ятIонэрэ чIыпIэр ахьыгъ, къалэу Мые­къуапэ зыщызыгъасэхэрэр ящэ­нэрэ хъугъэх.

2023-рэ илъэсым мэзаем ­Урысыем и Кубок фэгъэхьыгъэ кIэух зэнэкъокъур къалэу Грознэм щыкIощт. Адыгеим ибатырхэу апэрэ чIыпIэхэр къыдэзыхыгъэхэр хэгъэгум изэIукIэгъухэм ахэлэжьэщтых.

НыбжьыкIэхэм заушэты

Адыгеим атлетикэ онтэгъумкIэ зэIукIэгъухэр Инэм щызэхащагъэх.

2006 — 2010-рэ илъэсхэм къэхъугъэ кIалэхэр, пшъашъэхэр хагъэунэфыкIырэ чIыпIэхэм якъы­дэхын фэбэнагъэх.

Апэрэ чIыпIэхэр зыфагъэ­шъошагъэхэр: Токарчук Иван, кг 49-рэ, Гъубжьэкъо Ислъам, кг 55-рэ, Пугачев Анатолий, кг 61-рэ, Денделевич Александр, кг 67-рэ, Полин Святослав, кг 73-­рэ, Кисельман Марк, кг 81-рэ.

Тренерхэу Роман Казаковыр, Гъубжьэкъо Арсен, Сихъу Аслъан, Алексей Красновыр, Виталий Васюхиныр ныбжьыкIэхэм япащэх.

Пшъашъэхэм язэIукIэгъухэм ащытекIуагъэхэр: Бульбас Арина, кг 31-рэ, Папуленко Анастасия, кг 33-рэ, Бэгъушъэ Алин, кг 37-рэ, Шашурина Мария, кг 40, Палвонова Сабрина, кг 55-рэ, Гарькуша Валерия, кг 59-рэ.

Тренерхэу Алексей Красновым, Шъаукъо Индар, Михаил Бесовым, пшъашъэхэр агъасэх.

Апэрэ чIыпIэхэр къыдэзыхы­гъэхэр Урысыем иныбжьыкIэхэм якIэух зэIукIэгъоу 2023-рэ илъэсым, мэзаем Ленинград хэкум икъалэу Выборг щыкIощтым хэлэжьэщтых.

— ШэнышIу зэрэтфэхъугъэу, ныбжьыкIэхэм язэIукIэгъухэр илъэсэу икIырэм иаужырэ мазэ зэхэтщагъэх, — къытиIуагъ Адыгэ Республикэм атлетикэ онтэгъумкIэ испорт еджапIэу Чыржьын Мухьарбый ыцIэ зыхьырэм ипащэу, спортымкIэ дунэе класс зиIэ мастерэу Сихъу Рэмэзан. — Зэнэкъо­къухэр ныбжьыкIэхэм ушэтыпIэшIу афэхъугъэх. ЯIэпэIэсэныгъэ хагъэхъонымкIэ Iоф зыдэтшIэщт лъэныкъохэр дгъэнэфагъэх.