Урысыем волейболымкIэ иапшъэрэ лигэ икупэу «Б-м» хэт командэхэм я 5-рэ ешIэгъухэр яIагъэх.

Къалэу Шытхьалэ (Белореченск) командэхэр щызэнэкъо­къугъэх. Мыекъопэ «Динамо-­МГТУ-м» изэIукIэгъухэм якIэух- хэм шъуащытэгъэгъуазэ.

«Динамо-МГТУ» Мыекъуапэ — «Грозный-2» Грозный — 3:0 (25:12, 25:14, 25:15). «Динамо-МГТУ» — «Дагъыстан» Махачкала — 3:0 (25:18, 25:22, 25:22). «Динамо-МГТУ» — «Грозный-2» — 3:0 (25:20, 25:11, 25:16). «Динамо-МГТУ» — «Дагъыстан» — 1:3 (25:20, 23:25, 18:25, 22:25).

— Командэ пэпчъ ешIэгъу 14 иIагъ. «Динамо-МГТУ-м» зэIу­кIэгъу 12 иIагъэр. «Тюмень» тIо­гъогогъо тыIукIэнэу щыт. ТиешIакIохэр ныбжьыкIэх, бэмышIэу командэм тштагъэх. Опыт зэрямыIэм къыхэкIэу зэIукIэгъухэм чанэу ахэлэжьэнхэ алъэкIырэп. Арэу щытми, цыхьэ афэтэшIы. Мыекъопэ къэралыгъо технологическэ университетым кIалэхэр щеджэх, спортым яшъыпкъэу пылъых, — къытиIуагъ «Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Павел Зборовскэм.

ЧIыпIэу зыдэщытхэр

1. «Обнинск» — 38 2. «Дагъыстан» — 35 3. «Кристалл» — 29 4. «Динамо-МГТУ» — 21 5. «Ростов Волей» — 20 6. СШОР — 6 7. «Грозный-2» — 6 8. «Тюмень» — 1. 2023-рэ илъэсым, щылэ мазэм и 18 — 22-м я 6-рэ къекIокIыгъор къалэу Грознэм щыкIощт.