«АГУ-Адыиф» Мыекъуапэ — «Феникс» Китай — 25:25 (14:13). Тыгъэгъазэм и 17-м спорт Унэшхоу «Ошъуте­нэм» щызэдешIагъэх.

«АГУ-Адыиф»: къэлэпчъэIутхэр: Якупова, Баскакова; ешIа­кIохэр: Краснокутская — 3, Ни­кулина — 1, Морозова — 1, Вигуржинская — 4, Къэбж — 1, Куцевалова — 4, Казиханова — 2, Дворцевая — 4, Краснова — 1, Кожубекова — 3, Кириллова, Мещерякова. «Феникс»: Тянь — 7, Изинь — 4, Чжан — 4.

«Феникс» иешIакIохэр джырэблагъэ Азием изэнэкъокъу хэлэжьагъэх, ящэнэрэ чIыпIэр къыдахыгъ. Мыекъуапэ щыкIогъэ зэIукIэгъум ия 10-рэ такъикъ пчъагъэр 2:7 хъугъэ. ХьакIэхэм текIоныгъэр къыдахын ямурадыгъ. «Адыифыр» нахьыбэрэ ыпэкIэ илъызэ хъагъэм Iэгуаор редзэ. А. Красновам къэлапчъэм Iэгуаор дедзэ — 9:10.

Я 25-рэ такъикъым А. Куцеваловам пчъагъэр зэфэдиз ышIыгъ — 11:11. Д. Никулинам, З. Къэ­б­жым, нэмыкIхэм хъагъэм Iэ­гуаор радзэ — 16:13. А. Куцеваловам ухъумакIохэр ыгъэплъэхъухи, пчъагъэм хигъэхъуагъ — 23:20. А. Дворцеваям ухъумакIор IэшIэхэу къызэринэкIи, къэлапчъэм Iэгуаор дидзагъ — 25:22.

ЗэIукIэгъур аухынкIэ такъикъи 8 фэдиз къэнагъ, хьакIэхэр пчъа­гъэм езэгъыхэрэп, «Адыифым» нахь псынкIэу ешIэх. Такъикъи 2 къэнагъэу Лю хъагъэм Iэгуаор редзэ — 25:25. А. Красновам лъэшэу ыдзыгъэ Iэгуаор къэлэпчъэбгыкъум тыригъэфагъ,

Ю. Кожубековам шъэбащэу Iэ­гуаор ыдзи, «Феникс» икъэлэп­чъэIут шIокIын ылъэкIыгъэп.

ЕшIэгъу уахътэр 59:55-рэ хъу­гъэу «Феникс» иешIакIоу Чжан тикомандэ икъэлапчъэ къы-дэуагъ. Л. Баскаковам Iэгуаом кIуапIэ ритыгъэп, пчъагъэр 25:25-у зэIукIэгъур аухыгъ.

ЕплъыкIэхэр

— ТекIоныгъэр къыдэтхыным тыпэблэгъагъ, ау кIэухым ти­пшъашъэхэр жъажъэу ешIагъэх, хэукъоныгъэхэр ашIыгъэх. Анна Красновам, Юлия Кожубековам, нэмыкIхэм пчъагъэм хагъэхъуагъэу щытыгъэмэ, текIоныгъэр къыдэтхын тлъэкIыщтыгъэ, — къы­тиIуагъ «Адыифым» итренер шъхьаIэу Александр Реввэ. — ТикъэлэпчъэIутэу Людмила Баскаковар ешIэкIо анахь дэгъоу зэIукIэгъум къыщыхахыгъ. Людмилэ тыфэраз.

ЧIыпIэхэр

1. ЦСКА — 36 2. «Ростов-Дон» — 30 3. «Лада» — 26 4. «Астраханочка» — 25 5. «Звезда» — 22 6. «Кубань» — 17 7. «Динамо» — 17 8. «Ставрополье» — 16 9. «Университет» — 12 10. «Феникс» — 10 11. «АГУ-Адыиф» — 5 12. «Луч» — 4 13. «Балтийская заря» — 2. Тыгъэгъазэм и 19-м «Адыифыр» ЦСКА-м Мыекъуапэ щы­IукIагъ.