Шъукъеблагъэх, шъуяплъ
Адыгэ Республикэм и Лъэпкъ театрэу Цэй Ибрахьимэ ыцIэ зыхьырэм къэгъэлъэгъон гъэшIэгъонхэр тыгъэгъазэм и 20 — 22-м щыкIощтых.
Дэрбэ Тимур ытхыгъэм техыгъэ спектаклэу «Шыу мафэр» тыгъэгъазэм и 20-м театрэм къыщагъэлъэгъощт. Режиссерыр ЕмкIуж Андзор.
Мамый Ерэджыбэ ипьесэу «Псэлъыхъохэр» жъы хъурэп. Адыгеим иартист цIэрыIохэу Зыхьэ Заурбый, Зыхьэ Мэлайчэт, Кукэнэ Мурат, Кушъу Светланэ, нэмыкIхэри хэлажьэх. Тыгъэгъазэм и 21-м искусствэр зышIогъэшIэгъонхэр къэгъэлъэгъоным еплъыщтых.
— Адыгеим и Лъэпкъ театрэу Цэй Ибрахьимэ ыцIэ зыхьырэр илъэс 85-рэ зэрэхъурэм фэгъэхьыгъэ концертыр тыгъэгъазэм и 22-м зэхэтэщэ, — къытиIуагъ театрэм ихудожественнэ пащэу, Адыгэ Республикэм искусствэхэмкIэ изаслуженнэ IофышIэшхоу Ацумыжъ Рустам. — Искусствэр зыгу рихьыхэрэр театрэм къетэгъэблагъэх, спектаклэхэм, концертым ыпкIэ амытэу яплъыщтых.
Пчыхьэм сыхьатыр 7-м зэхахьэхэр Лъэпкъ театрэм щырагъэжьэщтых. ШъукъакIу, шъуяплъ къэгъэлъэгъонхэм. .