Дышъэр нартым къыхьыгъ
ДзюдомкIэ Урысыем и Кубок къыдэхыгъэным фэгъэхьыгъэ зэнэкъокъур тыгъэгъазэм и 10 — 11м Калининград щызэхащагъ.
Адыгэ Республикэм дзюдомкIэ испорт еджапIэу Кобл Якъубэ ыцIэ зыхьырэм зыщызыгъэсэрэ Датхъужъ Алый, кг 90-рэ, апэрэ чIыпIэр къыдихыгъ. Нарт шъаом бэнэгъуи 6 иIагъ, зэкIэри къыхьыгъ.
А. Датхъужъыр Пщыжъхьаблэ щапIугъ. ДзюдомкIэ иапэрэ тренерыр Адыгэ Республикэм изаслуженнэ тренерэу Нэджыкъо Руслъан. Джырэ уахътэ А. Датхъужъым ипащэр Адыгэ Республикэм изаслуженнэ тренерэу Беданэкъо Рэмэзан.
Калининград щыкIогъэ зэнэкъокъум тибанакIохэу Ордэн Заур, кг 81-рэ, ЦIыкIу Рэмэзан, кг 60, ятфэнэрэ чIыпIэхэр къыщахьыгъэх.