Дунаим футболымкIэ изэнэкъокъу Катарэ щэкIо. Медаль­хэр зыхьыщтхэр тыгъэгъазэм и 17 — 18-м къэнэфэщтых.

Финалым и 1/4-р

Хорватиер — Бразилиер — 1:1, пенальтикIэ — 4:2, Нидерландхэр — Аргентинэр — 2:2, пенальтикIэ — 3:4, Марокко — Португалиер — 1:0, Англиер — Франциер — 1:2. Я 84-рэ такъикъым пчъагъэр 1:2-у щытыгъ. Англием иешIакIоу Г. Кейн пенальтир ыгъэцэкIагъ. Лъэшэу Iэгуаом зеом къэлэп­чъэбгыкъум шъхьаригъэкIыгъ. ТекIоныгъэр Францием 2:1-у къыдихыгъ. Англиер зэнэ­къокъум хэзыгъ.

Португалиери финалныкъом хэхьагъэп. Криштиану Роналду нэпсыр къехызэ ешIапIэм икIыжьыгъ. Дунаим футболымкIэ изэнэкъо­къухэм К. Роналду гъогогъуитфэ ахэлэ­жьагъ. Мыгъэ Португалиер медальхэм афэбэнагъ, ау Марокко иешIакIохэм ашIокIын ылъэ­кIыгъэп.

Л. Месси мэгугъэ Аргентинэм щыщ ешIэкIо цIэрыIоу Лио- нель Месси ятфэнэрэу Дунаим изэнэкъокъу хэлажьэ, ау медаль мыгъэ къыдихыщтми къэшIэгъуаеми, Л. Месси мэгугъэ. Финалныкъор 13.12. 22:00 Аргентинэр — Хорватиер. 14.12. 22:00 Франциер — Марокко. Ящэнэрэ чIыпIэм икъыдэхынкIэ ешIэгъур тыгъэгъазэм и 17-м Катарэ щыкIощт. Ды­шъэм фэбэнэщтхэр тыгъэгъазэм и 18-м зэ­IукIэщтых.