Кинорежиссерэу, Урысыем икинемато­гра­фист­мэ я Союз хэтэу Нэгъэплъэ Аскэрбый зипэщэ купэу Адыгэ Республикэм икIыгъэм документальнэ фильмэу «Черкесхэр дзэ­кIолIых ыкIи IэпэIасэх» зыфиIорэр IэкIыбым щытырехы.

Мысыр къэралыгъом и ­Лъэпкъ Дзэ музей, черкес мамлюкмэ (бурджитмэ) я Резиденцие, Пирамидэу Гизэм ыкIи Каир АрхеологиемкIэ имузей видеосъемкэхэр ащашIыгъахэх. Джырэ уахътэм купым хэтхэр Амман щыIэх, ащ ыуж Стамбул кIощтых.

— Фильмым исценарие елъы­тыгъэу черкес мамлюкмэ ясултанхэу Мысыр иIагъэхэм яятIо­нэрэ тетыгъоу 1382-м къы­ще­гъэжьагъэу 1517-рэ илъэсхэм къы­хиубытэхэрэм ятарихъ къы­ра­IотыкIыщт, — къыщаIуагъ АР-м культурэмкIэ и Министерствэ.

Шъугу къэдгъэкIыжьын, кинокомпаниеу «Черкесия-Фильм» зэхэзыщэгъэ Нэгъаплъэ Аскэрбый иапэрэ кинофильмэу «Черкесия» зыфиIорэр 2007-рэ илъэ­сым къыдэкIыгъагъ, ащ къыкIэ­лъыкIуагъэх фильмхэу: «Черкесия. Адыгэ Хабзэр», «Черкесия. Хымэ хэгъэгухэр», «Черкесия. Къэкощыжьыныр», «Черкешенка», «Щагъдый», «Щабзэм пэбыбырэр», «ГукIэ­гъум илIыгъэ» зыфиIохэрэр. Кином ыбзэкIэ авторым Черке­сием изытетыгъэ къеIуатэ, не­пэрэ Адыгеим идэхагъэ тегъэлъэгъу, ащ ицIыф­хэм, культурэм, адыгэ­хэм яшэн­хабзэмэ тащегъэгъуазэ, тари­хъым итхьамыкIэгъо чIыпIэ- хэр тыгу къегъэ­кIы­жьых.