«Балтийская заря» Санкт-Петербург — «АГУ-Адыиф» Мыекъуапэ — 18:33 (9:15). Тыгъэгъазэм и 3-м С.-Петербург щызэIукIагъэх.

«АГУ-Адыиф»: къэлэпчъэIутхэр: Якупова, Баскакова; ешIа­кIохэр: Краснокутская — 5, Никулина — 1, Кириллова — 2, Колодяжная — 1, Морозова — 1, Къэбж — 3, Куцевалова — 4, Казиханова — 3, Голунова — 1, Дворцевая — 5, Краснова — 5, Кожубекова — 2.

Къогъупэхэм ащешIэхэрэ Елизавета Краснокутскаям, Диана Казихановам, Анна Красновам къэлапчъэм Iэгуаор бэрэ дадзэзэ ухъумакIохэр агъэгумэкIыщтыгъэх. Ащ ишIуагъэкIэ гупчэм иешIакIохэу Алиса Дворцеваям, Къэбж Заремэ, Ангелина Куцеваловам, фэшъхьафхэм хъагъэм Iэгуаор радзэным фэшI шIыкIэу къагъотырэм хахъощтыгъ.

ЕплъыкIэхэр

— Шъуамбгъоу, псынкIэу типшъашъэхэр ешIагъэх, зэгурыIоныгъэ къызыхагъэфагъ. Ухъумэн Iофыгъохэр дэгъоу агъэцакIэхэзэ къэлапчъэм Iэгуаор бэрэ зэрэдадзагъэм тигъэгушIуагъ, — къыIуагъ «Адыифым» итренер шъхьаIэу, Урысыем изаслуженнэ тренерэу Александр Реввэ.

ЕшIэгъухэр

Суперлигэм хэт гандбол командэхэм язичэзыу ешIэгъухэм якIэуххэр зэтэгъапшэх.

«Звезда» — «Ростов-Дон» — 25:28, ЦСКА — «Лада» — 36:19, «Луч» — «Ставрополье» — 19:23, «Астраханочка» — «Динамо» — 31:20.

ЧIыпIэу зыдэщытхэр

1. ЦСКА — 30 2. «Ростов-Дон» — 26 3. «Астраханочка» — 23 4. «Лада» — 22 5. «Звезда» — 18 6. «Динамо» — 15 7. «Ставрополье» — 14 8. «Кубань» — 13 9. «Университет» — 10 10. «Феникс» — 9 11. «АГУ-Адыиф» — 4 12. «Луч» — 4 13. «Балтийская заря» — 2.

Тыгъэгъазэм и 12-м «Адыифыр» Краснодар щыIукIэщт чIы­пIэ командэу «Кубань» зы­фи­Iорэм.