КинозалыкIэ къызэIуахыщт
Поселкэу Каменномостскэм культурэм и Унэу дэтым кинозал щагъэпсыгъ.
Ащ ишIын пэIухьэгъэ сомэ миллиони 9-р къэралыгъо кинематографием ифедеральнэ Фонд къытIупщыгъ.
Непэрэ мафэм ехъулIэу залым фытегъэпсыхьэгъэ Iэмэ-псымэхэр ыкIи тIысыпIэхэр зэрагъэгъотыгъэх, ахэр джырэблагъэ ащ чIагъэуцощтых. Адыгэ Республикэм культурэмкIэ и Министерствэ къызэрэщаIуагъэмкIэ, мы илъэсым итыгъэгъазэ и 25-м нэс IофшIэнхэр аухыщтых ыкIи кинозалыр къызэIуахыщт.
«Къоджэ псэупIэхэм хэхъоныгъэхэр ягъэшIыгъэнхэр» зыфиIорэ федеральнэ программэм елъытыгъэу поселкэу Каменномостскэм культурэм и Унэу дэтым 2020-рэ илъэсым гъэцэкIэжьынхэр щыкIуагъэх. Ащ къыщегъэжьагъэу мы псэупIэм щыIэныгъакIэ иIэ хъугъэ, джы лъэпкъ проектэу «Культура» зыфиIорэм ишIуагъэкIэ амалыкIэхэри къыIэкIэхьагъэх», — къыIотагъ культурэм и Унэ ипащэу Надежда Лукьянченкэм.