«Динамо-МГТУ» Мыекъуапэ — «ЧелБаскет» Челябинск — 64:69 (16:12, 23:17, 11:23, 14:17). ШэкIогъум и 29-м Мыекъуапэ щешIагъэх.

«Динамо-МГТУ»: Милютин — 22, Кочнев — 12, Александров — 12, Гапошин — 4, Чичайкин — 5, Рябов — 7, Суслов — 2. Ящэнэрэ ыкIи яплIэнэрэ едзыгъохэм хьакIэхэм хъурджанэм Iэгуаор нахьыбэрэ радзагъ, ухъу­мэн Iофыгъохэри дэгъоу агъэцэкIагъэх. Тибаскет­бол командэ текIоныгъэр къыдимыхыгъэми, дэеу ешIагъэп.

ЯтIонэрэ зэIукIэгъур

«Динамо-МГТУ» «ЧелБаскет» — 73:64 (22:23, 15:7, 17:19, 19:15). ШэкIогъум и 30-м АР-м испорт Унэшхоу «Ошъуте­нэм» щешIагъэх.

«Динамо-МГТУ»: Кочнев — 9, Милютин — 16, Гапошин — 16, Александров — 16, Чичайкин — 8, Рябов — 2, Суслов — 6. «ЧелБаскетым» къыхэщыгъэ­хэр: Кольцов — 22, Тихонин — 14, Якунин — 12.

Челябинскэ иешIакIохэр апэрэ чIыпIэм фэбанэх. «Динамо— МГТУ-м» ащ фэдэ мурад имыIэми, 2022 — 2023-рэ илъэс ешIэгъум апэрэ чIыпIэр зыкIи зыIэкIигъэкIыгъэп.

— Илья Александровыр, Артем Гапошиныр апэкIэ илъыщтхэми, ухъумэн Iофыгъохэр зехьэгъэнхэмкIи нахь къахэщыгъэх. Александр Милютиныр, Юрий Кочневыр, нэмыкIхэри дэгъоу ешIагъэх, — къытиIуагъ «Динамо-МГТУ-м» итренер шъхьаIэу, Адыгэ Респуб­ликэм изаслуженнэ тренерэу Андрей Синельниковым. — Зичэзыу ешIэгъухэм зафэтэгъэхьазыры.

ЧIыпIэу зыдэщытхэр

1. «Динамо-МГТУ» — 22 2. «БАРС-РГЭУ» — 21 3. «ЧелБаскет» — 20 4. «Нефтехимик» — 19 5. «Металлург» — 17 6. «Южный слон» — 16 7. «Чеб.Ястребы» — 14 8. «РПФ-Университет» — 14.

Тыгъэгъазэм и 10 — 11-м «Динамо-МГТУ-р» «Южный слон» Ставрополь IукIэщт. Зэнэкъокъур Мыекъуапэ щыкIощт.