ЧIыгу гупсэм иIэпэIасэхэр
Адыгеим къэралыгъо гъэпсыкIэ зиIэр илъэси 100 зэрэхъугъэр республикэм щыхагъэунэфыкIы. Ащ епхыгъ творческэ IофшIагъэхэмкIэ республикэ зэнэкъокъоу «Земли родной талант и вдохновенье» зыфиIоу Адыгэ республикэ кIэлэцIыкIу тхылъеджапIэм щыкIуагъэр.
Адыгеим имэфэкI ин ыкIи 2022-р Урысыем щыпсэурэ лъэпкъхэм яискусствэрэ якультурнэ кIэнрэ я Илъэсэу зэрагъэнэфагъэм зэнэкъокъур афагъэшъошагъ. Ащ творчествэр зикIэсэ кIэлэцIыкIухэр ягуапэу художественнэ лъэпкъ IэшIэгъэ зэфэшъхьафхэмкIэ хэлэжьагъэх: дышъэидэр, пIоблэ шъэныр, чым, IутIэным пкъыгъохэр ахэшIыкIыгъэныр, алырэгъу хъэныр, сурэтшIыныр, чеканкэр, керамикэр, музыкэ лъэпкъ Iэмэ-псымэхэр шIыгъэнхэр, нэмыкIыбэхэри.
Зэнэкъокъур ныбжьым елъытыгъэу купи 3-у зэтеутыгъагъ: илъэси 6 – 10 зыныбжьхэр; илъэс 11 – 14 зыныбжьхэр; илъэс 15-м къыщегъэжьагъэу 18-м нэс хахьэхэрэр.
Творческэ IофшIагъэхэмкIэ республикэ зэнэкъокъоу «Земли родной талант и вдохновение» зыфиIорэм кIэух зэфэхьысыжьхэр бэмышIэу фашIыгъэх.
Зэнэкъокъум анахь цIыкIухэмкIэ текIоныгъэр къыщыдэзыхыгъэхэр:
а I-рэ чIыпIэр илъэси 8 – 9 зыныбжьхэу Елизавета Климкинам, Валерия Климкинам ыкIи Маргарита Тухтаевам IофшIагъэу «Встречаем масленицу» зыфиIоу бзыуцыфыр, полимер ятIэр, акрил краскэхэр зыщыгъэфедагъэхэмкIэ афагъэшъошагъ. ЯIэшъхьэтетыр – Наталья Григорьевна Лященкэр, Джэджэ район, Дондуковскэ кIэлэцIыкIу тхылъеджэпIэ къутамэу N 9-р.
Я II-рэ чIыпIэр илъэси 7 зыныбжь Дарья Крыловам композициеу «Народное ремесло» зыфиIорэмкIэ ратыгъ. Пащэр – Елена Николаевна Крыловар, Теуцожь МЦБС-мкIэ Петровскэ къоджэ тхылъеджэпIэ-филиалэу N 13-р.
Я III-рэ чIыпIэр – илъэси 6 зыныбжь Анастасия Крыловам, нысхъэпэ хъагъэу «Русский народный стиль в одежде» зыфиIорэмкIэ, пащэр – Е. Н. Крыловар, Теуцожь МЦБС-мкIэ Петровскэ чIыпIэ тхылъеджэпIэ-филиалэу N 13-р.
Илъэси 9 зыныбжьэу Злата Юженкэр, пластилиным хэшIыкIыгъэ композициеу «Родная Адыгея». Iэшъхьэтетыр – Мыекъопэ район МБС-мкIэ Каменномостскэ кIэлэцIыкIу тхылъеджапIэр, пащэр – Ольга Николаевна Ничепуренкэр.
Гурыт купым хэтхэмкIэ текIуагъэхэр:
А I-рэ чIыпIэр – илъэс 12 зыныбжь ГъукIэпшъыкъо Данэ композициеу «Сосруко и Адыиф» зыфиIорэмкIэ лъэпкъ шъуашэхэр зэришIыгъэмкIэ фагъэшъошагъ. Iэшъхьэтетыр – Кощхьэблэ районымкIэ Фэдз къоджэ тхылъеджапIэм иIэшъхьэтетэу Апыч Нэфсэт Нурбый ыпхъур.
Я II-рэ чIыпIэр Хъот Алинэ, илъэс 14 ыныбжь, бархат плъыжьым жьыфыр адыгэ гухьарэхэр тетэу зэрэхишIыкIыгъэм паекIэ фагъэшъошагъ. Пащэр – ЛIыхъурэе Светлан Хьисэ ыпхъур, Теуцожь МЦБС-мкIэ Нэчэрэзые къоджэ тхылъеджапIэр.
Я III-рэ чIыпIэр – Ныбэ Айдэмыр, илъэс 14 ыныбжь. Адыгэ джэгухэм ащагъэфедэщтыгъэ хьатыекIо бэщыр ыкIи пхъэкIычыр зэришIыгъэхэм пае ратыгъ. Iэшъхьэтетыр – Ныбэ Асиет Къадырбэч ыпхъур, Тэхъутэмыкъое МЦБС-мкIэ БжыхьэкъоекIэ къоджэ тхылъеджапIэм икъутамэу N 8-р.
Андрей Черкалиныр, илъэс 14 ыныбжь. IофшIагъэхэр: декоративнэ лагъэр «Си Республикэ илъэси 100 хъугъэ» тетхагъэу ыкIи дышъэидэр зыщыгъэфедэгъэ пкъыгъо гъэдэхагъэр. Iэшъхьэтетыр – Черкашина Марина Петровнар, Джэджэ МЦБС-мкIэ Келермесскэ къоджэ тхылъеджэпIэ-филиалэу N 6-р.
Илъэс 15 – 18 зыныбжьхэмкIэ атекIуагъэхэр:
А I-рэ чIыпIэр Полина Солодовам, илъэс 18 ыныбжь, гобеленэу «Кактусы» зыфиIорэмкIэ фагъэшъошагъ. Iэшъхьэтетыр – искусствэхэмкIэ Адыгэ республикэ колледжэу У. Тхьабысымым ыцIэ зыхьырэм икIэлэегъаджэу Екатерина Александровна Щулькинар.
Я II-рэ чIыпIэр – Арина Лященкэм, илъэс 18. Темэу «Герои детских книг» (Къэбыр. Бычок – смоляной бочок) зыфиIорэмкIэ ыхъыгъэхэм апаекIэ ратыгъ. Пащэр – Джэджэ МЦБС-мкIэ Дондуковскэ кIэлэцIыкIу тхылъеджэпIэ-филиалэу N 9-м щылажьэу Наталья Григорьевна Лященкэр.
Я III-рэ чIыпIэр нэбгыритIумэ афагъэшъошагъ. Анна Запольскаяр, илъэс 15 ыныбжь – IофшIагъэу «Боярыня Любава на пиру у русского князя». Лъэпкъ шъуашэхэр ышIыгъэх. Iэшъхьэтетыр – Мыекъопэ район МБС-мкIэ Первомайскэ къоджэ тхылъеджапIэм ипащэу Татьяна Сергеевна Меркуловар.
Анастасия Михайличенкэр, илъэс 16 ыныбжь, «Лапти», «Ваза» зыфиIохэрэр IутIэн тхьапэм зэрэхиблыкIыгъэхэм паекIэ къыхагъэщыгъ. Iэшъхьэтетыр – Наталья Григорьевна Лященкэр, Джэджэ МЦБС-мкIэ Дондуковскэ къоджэ тхылъеджэпIэ-филиалэу N 9-м ипащ.
Творческэ IофшIагъэхэмкIэ зэнэкъокъум а I – II-рэ чIыпIэхэр зыхьыгъэхэр дипломхэмрэ ахъщэ шIухьафтынхэрэмкIэ агъэшIуагъэх. Призерхэу я III-рэ чIыпIэр зыубытыгъэхэм дипломхэр, нэпэеплъ шIухьафтынхэр аратыгъэх.
Мамырыкъо Нуриет.