Самбэм и Мафэ непэ Урысыем щагъэмэфэкIы.

— Адыгэ Республикэм самбэмкIэ ибэнакIохэм дунаим, Европэм гъэ­хъагъэу щашIыгъэм тырэгушхо, — къытиIуагъ Адыгеим самбэмкIэ ибэнэпIэ еджапIэ ипащэу Делэкъо Адам. — Урысыем и Къэралыгъо Думэ идепутатэу Хьасанэкъо Мурат гъогогъу 11 дунаим апэрэ чIыпIэр къыщыдихыгъ. Хьэпэе Арамбый, Владимир Невзоровыр, Емыж Арамбый, Алхъо Сыхьатбый, Абрам Агамирян, Владимир Дутовыр, Владимир Гуриныр, Мэрэтыкъо Сахьидэ, Гостэкъо Хьумэр, Хьэпэе Хьамидэ, нэ­мыкIхэр спортышхом щыцIэрыIох, ныбжьыкIэхэм щысэшIу афэхъух. МэфэкIым фэгъэхьыгъэу тафэгушIо.

Самбэм и Мафэ фэгъэхьыгъэ респуб­ликэ зэIукIэгъухэр шэкIогъум и 20-м Пэнэжьыкъуае щыкIощтых. ЗэхэщакIохэм спортым иветеранхэр, самбэмкIэ бэ­накIохэр Iофтхьабзэм рагъэблагъэх. ТибэнакIохэм тафэгушIо, ямедальхэм ахагъэхъонэу афэтэIо.

Сахьидэкъо Нурбый.