Натхъо Амир тегъэгушIо
СКА Хабаровск — «Шинник» Ярославль — 3:1. Къэлапчъэм Iэгуаор дэзыдзагъэхэр: Грузнов — 52 «Шинник». Стародуб — 75, Натхъо, 81, Иваньков — 83, СКА.
Адыгэ Республикэм футболымкIэ испорт еджапIэ щапIугъэ Натхъо Амир Урысыем изэнэкъокъоу апэрэ купым щыкIорэм хэлажьэ, Хабаровскэ икомандэ щешIэ. СКА-р «Шинник» зыIокIэм,
Натхъо Амир иIэпэIэсэныгъэкIэ къахэщыгъ. Зэнэкъокъум ия 76-рэ такъикъым Натхъо Амир ешIапIэм къихьагъ. СКА-м угловоир къызетым, метри 7-кIэ пэчыжьэу нарт шъаом шъхьэкIэ къэлапчъэм Iэгуаор дидзагъ, пчъагъэр 2:1 хъугъэ.
СКА-м иешIакIохэм ягуетыныгъэ зыкъиIэтыгъэу текIоныгъэм фэбанэхэзэ ящэнэрэ Iэгуаор Иваньковым хъагъэм ридзагъ.
Натхъо Амир игъэхъагъэхэм ахигъэхъонэу, бэрэ тигъэгушIонэу фэтэIо.