Урысые Федерацием волейболымкIэ изэнэкъо­къоу апшъэрэ лигэм икупэу «Б-м» щыкIорэм Мыекъопэ «Динамо-МГТУ-р» хэлажьэ.

Я 3-рэ къекIокIыгъом хэхьэрэ ешIэгъухэр Ростов-на-Дону щыкIуагъэх. «Динамо-МГТУ-м» изэ­IукIэгъухэм якIэуххэм тагъэгушIуагъ.

«Ростов-Волей» Ростов-на-Дону — «Динамо-МГТУ» — 1:3 (22:25, 28:26, 16:25, 23:25).

ЯтIонэрэ зэIукIэгъур

«Ростов-Волей» — «Динамо-МГТУ» — 0:3 (19:25, 28:30, 33:35).

— ЕшIэгъуитIуми текIоныгъэр къащыдэтхыныр псынкIэ къытфэ­хъугъэп, — къытиIуагъ «Динамо-МГТУ-м» итренер шъхьа­Iэу, Адыгэ Республикэм изаслу­женнэ тренерэу Павел Зборовскэм. — Пчъагъэхэм къаушы­хьаты зэIукIэгъур зыхьыщтыр язэ­рэмыгъашIэу зэнэкъокъур зэ­рэкIуа­гъэр. Тиспортсменхэм тафэраз.

ЧIыпIэхэр

1. «Обнинск» — 21 2. «Кристалл» — 19 3. «Дагъыстан» — 14 4. «Ростов-Волей» — 11 5. «Динамо-МГТУ» — 6 6. «Тюмень» — 1 7. СШОР — 0 8. «Грозный-2» — 0.

ШъунаIэ тешъудз: командэхэм ешIэгъоу яIагъэр зэфэдизэп.

ШэкIогъум и 12 — 13-м «Динамо-МГТУ-р» СШОР, Краснодар край, Мыекъуапэ щыIукIэщт.