«Чайка» Ростов хэку — «Зэкъошныгъ» Мые­къуапэ — 1:0 (0:0). Чъэпыогъум и 29-м Песчанокопскэм щызэде­шIагъэх.

«Зэкъошныгъ»: Ковалев, Кириленко, Гусенгаджиев, Телепов, Къонэ, Байрамян (Хьасанэкъу 83), Крылов (Делэкъу, 62), Макоев, Орзай, Пекъу, Iащэ (Васильев, 77).

ЯтIонэрэ купым щыкIорэ зэ­нэкъокъум апэрэ чIыпIэр щызыIыгъ командэу «Чайкэм» «Зэ­къошныгъэр» дэгъоу дешIагъ. ТиухъумакIохэм ащыщ шапхъэр я 75-рэ такъикъым ыукъуагъ. Судьям ыгъэунэфыгъэ пенальтир Гришановым зегъэцакIэм, ти­къэ­лэпчъэIутэу Р. Ковалевым Iэгуаор къызэкIидзэжьыгъ.

Я 76-рэ такъикъым «Чайкэм» угловоир къызетым, «Зэкъошныгъэм» икъэлапчъэ Iэгуаор ди­дзагъ — 1:0.

«Зэкъошныгъэр» ыпэкIэ илъы­гъэу А. Iащэр къэлапчъэм лъэшэу зыдаом, Iэгуаор къэлэпчъэ­пкъым пэблагъэу быбыгъэ.

А. Къонэм я 90+2-м угловоир къызетым А. Телеповыр шъхьэкIэ зэогъэ Iэгуаор «Чайкэм» икъэлэпчъэпкъ тефи, къыгъэлъэтэ­жьыгъ. Пчъагъэр 1:0-у зэIукIэ­гъур аухыгъ.

— «Зэкъошныгъэм» пчъагъэр зэфэдиз ышIынэу амалышIухэр иIагъэх. Ащ дакIоу, тикъэлэпчъэ­Iутэу Роман Ковалевыр цыхьэшIэгъоу ешIагъ, заулэрэ Iэгуаор къызэкIидзэжьыгъ. ТиешIакIохэм яIэпэIэсэныгъэ хагъахъо, текIоныгъэр нахьыбэрэ къыдахыным фэбанэх, — къытиIуагъ «Зэ­къошныгъэм» итренер шъхьаIэу ШакIо Ащэмэз.

КIэуххэр

Чъэпыогъум и 28 — 29-м ятIонэрэ купым зэрэщешIагъэхэр.

«Ессентуки» — «Алания-2» — 0:3, «Мэщыкъу» — «Ротор» — 0:1, «Спартак» — «Биолог» — 0:1, «Форте» — «Кубань Холдинг» — 0:0, СКА — «Легион» — 1:0, «Динамо» — «Черноморец» — 1:5.

ЧIыпIэу зыдэщытхэр

1. «Чайка» — 36 2. «Черноморец» — 36 3. «Ротор» — 30 4. «Биолог» — 28 5. «Кубань Х» — 28 6. «Спартак» — 22 7. «Форте» — 22 8. СКА — 20 9. «Зэкъошныгъ» — 15 10. «Динамо» — 13 11. «Мэщыкъу» — 13 12. «Алания-2» — 10 13. «Легион» — 10 14. «Ессентуки» 5.

Я 16-рэ ешIэгъухэр

03.11 «Легион» — «Чайка» 04.11 «Биолог» — «Ротор» «Алания-2» — «Форте» «Кубань Х» — «Спартак» «Динамо» — «Мэщыкъу» «Зэкъошныгъ» — «Ессентуки» «Черноморец» — СКА. «Зэкъошныгъэм» иешIэгъу мафэм сыхьатыр 3-м рагъэжьэщт.