Урысыем икомандэхэм теннис цIыкIумкIэ язэнэкъокъу Казань щыкIуагъ.

Адыгэ къэралыгъо университетым ихъулъфыгъэ хэшыпыкIыгъэ командэу «Фыщтым» апэрэ къекIокIыгъом купэу зыхэтым текIоныгъэр къыщыдихыгъ.

«Фыщт-АГУ-м» щешIэх Адыгэ къэралыгъо университетым физкультурэмрэ дзюдомрэкIэ и Институт щеджэхэрэ Павел Ковенкэр, Марат Мукамбетовыр, Мыекъопэ къэралыгъо гуманитарнэ техническэ колледжым истудентэу Виталий Шумаковыр.

Урысыем ишъолъырхэм, IэкIыб къэралхэм якомандэ 15 суперлигэм щызэнэкъокъу. «Фыщт-АГУ-р» ятIонэрэ купым хэт, зичэзыу зэIукIэгъухэм зафегъэхьазыры.