УФ-м футболымкIэ изэнэкъокъу хэлэжьэрэ командэхэу апшъэрэ купым хэтхэм я 14-рэ ешIэгъухэр чъэпыогъум и 22 — 24-м яIагъэх.

КIэуххэр, яплъыгъэхэр

«Пари НН» — «Краснодар» — 0:2, ешIэгъум цIыф пчъа-гъэу еплъыгъэр: 4368, «Факел» — «Ростов» — 1:1 — 13980, «Локомотив» — «Ди­намо» — 1:3 — 8315, «Оренбург» — ЦСКА — 2:2 — 7781, «Спартак» — «Химки» — 5:0 — 10631, «Ахмат» — «Торпедо» — 1:0 — 7120, «Урал» — «Крылья Советов» — 2:1 — 2491, «Зенит» — «Шъачэ» — 7:0 — 20184.

Ижъырэ адыгэ къалэу Шъачэ икомандэ «Зенит» зыIокIэм, гъо­гогъуи 4 ныIэп къэлапчъэм зэ­рэдэуагъэр. ЕтIани гухэкIыр «Шъа­чэ» зыкIи къэлапчъэм Iэ­гуаор зэрэдимыгъэфагъэр ары. Къэлапчъэм Iэгуаор дэмыгъафэу сыдэущтэу хъагъэм иудзэщта?

«Краснодар» Нижний Новгород зыщешIэм, 1:0-у къыхьызэ аужырэ такъикъым Кордобэ ятIонэрэ Iэгуаор «Пари НН-м» икъэлапчъэ дидзагъ.

«Урал» зэкIэлъыкIоу ешIэгъуи 5-мэ текIоныгъэр къащыдихыгъ. Виктор Ганчаренкэр тренер шъхьа­Iэу командэм зыфашIыгъэм къыщегъэжьагъэу гъэхъагъэхэр ешIых. Тренерым мэхьанэу иIэр В. Ганчаренкэм къегъэшъып­къэжьы.

«Спартак» «Химки» зыIокIэм текIоныгъэр къызэрихьыщтыр зэ­нэкъокъум шIэхэу къыщылъэ­гъуагъ. Игнатовым я 2-рэ, Никол­сон я 18-рэ ыкIи я 63-рэ, Мелешиным я 83-рэ, Масловым я 89-рэ такъикъхэм «Химки» икъэ­лапчъэ Iэгуаор дадзагъ.

Я 100-рэ Iэгуаор

«Динамэм» иешIакIоу Федор Смоловыр Урысыем изэнэкъокъоу апшъэрэ купым щыкIорэм хэлажьэ. «Динамэр» «Локомотив» зыIокIэм я 100-рэ Iэгуаор Ф. Смо­ловым къэлапчъэм ди­дзагъ.

Ф. Смоловыр «Краснодар» хэтэу Урысыем цIэрыIо щыхъугъ. «Бомбардир анахь дэгъу» зыфиIорэ щытхъуцIэр къыфаусэу къыхэкIыгъ.

ЦСКА-м иешIакIоу Федор Ча­ловым я 55-рэ Iэгуаор «Оренбург» икъэлапчъэ дидзагъ. Ф. Ча­ловым инэIуасэхэр Мые­къуапэ дэсых. Ятэжъ Адыгеим щыпсэузэ къылъыкIоу, Натхъо Адамрэ ащ ыкъоу Амиррэ къа­IукIэу къыхэкIыгъ. Федор Смо­ловыр ныбжьыкI, къэлапчъэм Iэ­гуаор анахьыбэрэ дэзыдзагъэ­хэм ащыщ хъунэу фэтэIо.

ЧIыпIэхэр

1. «Зенит» — 36 2. «Спартак» — 29 3. ЦСКА — 26 4. «Ростов» — 26 5. «Краснодар» — 24 6. «Ахмат» — 23 7. «Динамо» — 23 8. «Шъачэ» — 20 9. «Оренбург» — 19 10. «Урал» — 15 11. «Кр. Советов» — 14 12. «Пари НН» — 13 13. «Факел» — 12 14. «Локомотив» — 12 15. «Химки» — 9 16. «Торпедо» — 6. Я 15-рэ зэIукIэгъухэр 28. 10. 17:00 «Оренбург» — «Факел» 29.10. 14:00 «Динамо» — «Химки» 29.10. 16:30 «Ахмат» — «Ростов» 29.10. 19:00 «Локомотив» — ЦСКА 30.10. 14:00 «Шъачэ» — «Урал» 30.10 — 14:00 «Кр. Советов» — «Пари НН» 30.10. 16:30 «Спартак» — «Торпедо» 30.10. 19:30 «Краснодар» — «Зенит».