Чъэпыогъум и 20-м Мыекъуапэ щыкIогъэ республикэ зэнэкъокъу-къэгъэлъэгъонэу «Сэтэнае идышъэ Iудан» зыфиIоу сурэтшIынымкIэ ыкIи декоративнэ-прикладной искусствэмкIэ кIэлэцIыкIухэмрэ Iэтахъохэмрэ афызэхащэгъагъэм кIэух зэфэхьысыжьхэр фашIыгъэх.

Зэнэкъокъум щатекIуагъэхэр лъэныкъо гъэнэфагъэхэмкIэ ыкIи ныбжьымкIэ куп-купэу къыхагъэщыгъэх. ОсэшI купым итхьамэтагъэр АР-м изаслуженнэ сурэтышIэу, искусствэхэмкIэ Адыгэ респуб­ликэ кIэлэцIыкIу еджапIэу К. Лъэцэрыкъом ыцIэ зыхьырэм икIэлэегъаджэу Хъуажъ Рэмэзан.

Зэнэкъокъум илауреатхэр

Лъэныкъоу «Адыгэ лъэпкъым иIоф­шIэгъу мафэхэр ыкIи мэфэкIхэр» зыфи­IорэмкIэ апэрэ купыр:

Апэрэ шъуашэр зиIэ дипломым илауреат хъугъэ Искандар Ашраповыр иIофшIагъэу «Будни пастуха» зыфиIорэмкIэ, искусствэхэмкIэ кIэлэцIыкIу еджапIэу Натырбые дэтым иеджакIу, кIэлэегъа­джэр — Л. А. Коданевар.

Я II-рэ шъуашэр зиIэ дипломыр фагъэ­шъошагъ Марукян Евэ иIэшIагъэу «Солнечная Адыгея» зыфиIорэмкIэ, искусствэхэмкIэ Джэджэ кIэлэцIыкIу еджапIэм щеджэ, кIэлэегъаджэр — Л. А. Марукян. Я III-рэ шъуашэр зиIэ дипломыр Варвара Ермак «Цветущий мой край» зыфиIорэмкIэ ратыгъ, искусствэхэмкIэ Джэджэ кIэлэцIыкIу еджапIэм щеджэ, кIэлэегъаджэр — Л. А. Марукян.

ЯтIонэрэ купыр:

Я II-рэ шъуашэр зиIэ дипломыр «Утро в ауле» зыфиIорэмкIэ къылэжьыгъ АР-м ихудожественнэ еджапIэ чIэсэу Татьяна Васильевам. КIэлэегъаджэр — В. И. Остроушко.

Я III-рэ купыр:

А I-рэ шъуашэ зиIэ дипломыр IофшIагъэу «Дань традициям» зыфиIорэмкIэ фагъэшъошагъ искусствэхэмкIэ респуб­ликэ колледжым щеджэрэ Александра Раенбаковам, кIэлэегъаджэр — С. В. Яшниковар. Я II-рэ шъуашэр зиIэ дипломыр Маргарита Пересыпко «Праздник сыра» зыфиIорэ сурэтымкIэ ратыгъ, кIэлэегъа­джэр — О. Л. Бреславцева. Я III-рэ шъуашэр зиIэ дипломыр Кира Кулигинам «100-летие Адыгеи» зыфи­IорэмкIэ къылэжьыгъ, искусствэхэмкIэ Джэджэ кIэлэцIыкIу еджапIэм иеджакIу, кIэлэегъаджэр — И. А. Большаковар.

Лъэныкъоу «ЛIыгъэр, псэемыблэжьныгъэр ыкIи щытхъур адыгэ тхыдэхэм ыкIи пшысэхэмкIэ» зыфиIорэмкIэ я II-рэ купыр

А I-рэ шъуашэр зиIэ дипломым илауреат хъугъэ искусствэхэмкIэ респуб­ликэ еджапIэу К. Лъэцэрыкъом ыцIэ зыхьырэм иеджакIоу Вероника Рудниковар, «Пир нартов» исурэтшIыгъэ зэреджа­гъэр, кIэлэегъаджэр — Хъуажъ Рэмэзан. Я II-рэ шъуашэр зиIэ дипломыр ратыгъ поселкэу Тульскэм дэт искусствэхэмкIэ кIэлэцIыкIу еджапIэм щеджэ­рэ Анастасия Черноусовам «Легенда о появлении дольменов» зыфиIорэмкIэ, кIэлэегъаджэр — О. В. Харченко. Я II-рэ шъуашэр зиIэ дипломыр фагъэшъошагъ искусствэхэмкIэ Адыгэ республикэ еджапIэу К. Хь. Лъэцэрыкъом ыцIэ зыхьырэм иеджакIоу Пэунэжь Асиет исурэтшIыгъэу «Саусырыко против Великана» зыфиIорэмкIэ, кIэлэегъа­джэр — И. А. Рожкова.

Джащ фэдэу мы еджапIэм щеджэу Олег Бушмалевыр — адыгэ пшысэмкIэ исурэтэу «Молодильный ручей» зыцIэмкIэ, кIэлэегъаджэр — И. А. Рожкова, Ирина Латышевар — «Путь в горы» зыфиIорэмкIэ, искусствэхэмкIэ колледжэу У. Тхьабысымым ыцIэ зыхьырэм щеджэ, кIэлэегъаджэр — С. В. Иваненко, ХыдзэлI Маринэ, искусствэхэмкIэ еджапIэу Кощхьаблэ дэтым щеджэ, исурэтэу «Сумка», кIэлэегъаджэр — З. Б. Кощбаер ыкIи СтIашъу Самирэ «Веер» зыфиIорэ IофшIагъэмкIэ, къуаджэу Гъо­бэкъуае искусствэхэмкIэ икIэлэцIыкIу еджапIэ иеджакIу, кIэлэегъаджэр — З. СтIашъу, республикэ зэнэкъокъум илауреат хъугъэх. Мыхэм Iоф адэзышIэрэ кIэлэегъа­джэхэу ыпшъэкIэ зыцIэ къетIуагъэхэри республикэ зэнэкъокъум икIэух щагъэшIуагъэх. (Тикорр.).